Kutch Bulletin, ગાંધીધામ/અંજાર: પૂર્વ કચ્છ ગાંધીધામ પોલીસ દ્વારા સંગઠિત ગુનાખોરી (Organized Crime) આચરતી ટોળકીઓ વિરુદ્ધ લાલ આંખ કરવામાં આવી છે. અંજાર અને મેઘપર બોરીચી વિસ્તારમાં ભય ફેલાવી લૂંટ, મારામારી અને દારૂબંધી જેવા ગંભીર ગુનાઓ આચરતી ખુશાલ ગૌસ્વામી અને તેના સાગરીતોની ટોળકી વિરુદ્ધ પોલીસે કડક કાયદાકીય શસ્ત્ર ‘ગુજસીટોક’ (GUJCITOC) ઉગામ્યું છે.
કોણ છે આ નામચીન આરોપીઓ?
ગાંધીધામ પોલીસે આ કાર્યવાહીમાં ત્રણ મુખ્ય આરોપીઓ સામે સકંજો કસ્યો છે:
- ખુશાલ રમેશગર ગૌસ્વામી: (લખુબાપાનગર, અંજાર) - આ મુખ્ય સૂત્રધાર વિરુદ્ધ કુલ ૭ ગંભીર ગુનાઓ નોંધાયેલા છે.
- દેવાંગ દિલીપભાઈ ચાવડા: (જન્મોત્રી સોસાયટી, અંજાર) - જેની વિરુદ્ધ ૪ ગુનાઓ નોંધાયેલા છે.
- કિશોર ઉર્ફે રામ નાનુગર બાવા (ગુસાઈ): (પંજોરાપીર રોડ, અંજાર) - જેની વિરુદ્ધ ૩ ગુનાઓ નોંધાયેલા છે.
શું છે ગુજસીટોક કાયદો?
ગુજરાત કંટ્રોલ ઓફ ટેરરિઝમ એન્ડ ઓર્ગેનાઈઝ્ડ ક્રાઈમ એક્ટ (GUJCITOC) એ રાજ્યનો અત્યંત કડક કાયદો છે. આ કાયદા હેઠળ જ્યારે કોઈ ટોળકી વારંવાર સંગઠિત ગુના કરે છે ત્યારે તેના પર આ કાયદો લગાડવામાં આવે છે. આમાં જામીન મળવા મુશ્કેલ હોય છે અને આરોપીઓની મિલકતો પણ જપ્ત થઈ શકે છે.
પોલીસની આક્રમક કાર્યવાહી
બોર્ડર રેન્જ ભુજના IG ચિરાગ કોરડીયા અને પૂર્વ કચ્છ SP સાગર બાગમારના માર્ગદર્શન હેઠળ પોલીસે આ ગેંગની ગુનાહિત કુંડળી તૈયાર કરી હતી. આ ટોળકી સમાજમાં ભય ઉભો કરી વ્યવસ્થિત રીતે ગુનાખોરીને અંજામ આપતી હતી. અગાઉ પણ પોલીસે ફિરોજ ઉર્ફે ગુગલી અને ઇસ્માઇલ ચાવડા જેવી ટોળકીઓ વિરુદ્ધ ગુજસીટોક લગાડીને જેલના સળિયા પાછળ ધકેલી દીધા છે.
કચ્છની સુરક્ષા અને ક્રાઈમની પળેપળની અપડેટ્સ માટે જોતા રહો Kutch Bulletin.
તાજા સમાચાર સીધા તમારા વોટ્સએપ પર મેળવવા માટે અમારી ચેનલમાં જોડાઓ.
👉 Join Kutch Bulletin on WhatsApp
 હેઠળ ગુનો દાખલ | નામચીન ગુનેગારોમાં ફફડાટ){kind=link}
0 ટિપ્પણીઓ