Kutch Bulletin, અંજાર/ગાંધીધામ: પૂર્વ કચ્છમાં પીજીવીસીએલ (PGVCL) દ્વારા વીજ બિલના બાકી લેણાંની વસૂલાત માટે આજે એક મોટી મેગા ડિસકનેક્શન ડ્રાઈવ હાથ ધરવામાં આવી હતી. આ ઝુંબેશ દરમિયાન ૯૩ જેટલી ટીમોએ મેદાનમાં ઉતરીને ૬૪૮ વીજ કનેક્શનો કાપી નાખતા વીજ ગ્રાહકોમાં ફફડાટ વ્યાપી ગયો છે.
૯૩ ટીમો દ્વારા સપાટો: ૨.૨૬ કરોડની વસૂલાત
આ મેગા ડ્રાઈવમાં ભચાઉ, સામખયાળી, ગાંધીધામ, આદિપુર, અંજાર અને મેઘપર વિસ્તારનો સમાવેશ કરવામાં આવ્યો હતો. બહારથી આવેલી ૪૨ અને સ્થાનિક ૫૧ ટીમો મળીને કુલ ૯૩ ટીમોએ ઉદ્યોગો અને વ્યાવસાયિક એકમો પર તવાઈ બોલાવી હતી. આ કામગીરીના અંતે પીજીવીસીએલની કચેરીઓમાં કુલ ૨.૨૬ કરોડ રૂપિયાની બાકી રકમ જમા થઈ છે.
૩૦ તારીખે ભુજ વર્તુળમાં મેગા ડ્રાઈવ
અંજાર વર્તુળ કચેરીના મુખ્ય ઈજનેરે જણાવ્યું હતું કે, આગામી ૩૦-૦૧-૨૦૨૬ ના રોજ ભુજ વર્તુળ કચેરી હેઠળના વિસ્તારોમાં મેગા ડ્રાઈવ યોજાશે. જેમાં ભુજ સિટી-૧ અને ૨, ભુજ રૂરલ, કુકમા અને ભુજોડી પેટા વિભાગીય કચેરીઓનો સમાવેશ થશે. આ ડ્રાઈવમાં ખેતીવાડી અને રહેણાંક કનેક્શનો પર પણ કાર્યવાહી કરવામાં આવી શકે છે.
ગ્રાહકોને અપીલ: બાકી લેણાં ભરી દેવા સૂચના
વીજ કપાતથી બચવા માટે પીજીવીસીએલ દ્વારા તમામ ગ્રાહકોને અપીલ કરવામાં આવી છે કે તેઓ પોતાના બાકી વીજ બિલ તાત્કાલિક ભરી દે. જે ગ્રાહકોના કનેક્શન કપાયા છે, તેમણે KYC ના પુરાવા અને રી-કનેક્શન ચાર્જ ભર્યા બાદ જ ફરીથી વીજ પુરવઠો ચાલુ કરવામાં આવી રહ્યો છે.
કચ્છના મહત્વના અને પળેપળના સમાચાર માટે જોતા રહો Kutch Bulletin.
પીજીવીસીએલની આગામી ડ્રાઈવ અને અન્ય અપડેટ્સ માટે જોડાવો.
👉 Join Kutch Bulletin on WhatsApp
0 ટિપ્પણીઓ