Kutch Bulletin Desk | Bhuj Special POCSO Court Historic Verdict News Updates
Bhuj: The special POCSO court in Bhuj has sentenced the accused to rigorous life imprisonment until his last breath for the crime of abducting a 14-year-old minor girl and raping her at knifepoint.
માનકૂવા પોલીસ મથકે દાખલ થયેલા ગુનામાં કોર્ટે માત્ર સાડા ૮ માસની અંદર ટ્રાયલ પૂર્ણ કરીને આપ્યો ધાક બેસાડતો ઐતિહાસિક ચુકાદો.
સામત્રા ગામના શાહિદ સલીમ બાફણ નામના ૨૦ વર્ષિય યુવકને પોક્સો એક્ટ હેઠળ અંતિમ શ્વાસ સુધીની કેદ અને દંડની આકરી સજા.
ખાસ જજ જે.એ. ઠક્કરે ૩૦ દસ્તાવેજી પુરાવા અને ૧૧ સાક્ષીઓને તપાસીને રજૂ કરેલી દલીલોના આધારે આરોપીને ઠેરવ્યો દોષિત.
Kutch Bulletin - ભુજ : ૧૪ વર્ષ ૯ મહિનાની સગીર બાળાનું અપહરણ કરીને છરીની અણીએ દુષ્કર્મ આચરવાના ગંભીર અને સનસનાટીભર્યા ગુનામાં ભુજની ખાસ પોક્સો કૉર્ટે દાખલારૂપ ચુકાદો આપ્યો છે. ભુજના સામત્રા ગામના શાહિદ સલીમ બાફણ નામના ૨૦ વર્ષિય યુવકને કસૂરવાર ઠેરવીને તેના અંતિમ શ્વાસ સુધીના સખ્ત આજીવન કારાવાસની સજા અને દંડ ફટકાર્યો છે. ગત તા. ૨૭-૧૧-૨૦૨૫ના રોજ માનકૂવા પોલીસ મથકે દાખલ થયેલા આ કુકર્મના ગુનામાં અદાલતે માત્ર સાડા ૮ માસના ટૂંકા ગાળામાં સ્પીડી ટ્રાયલ ચલાવીને આ કડક આદેશ કર્યો છે.
🔪 મંદિરે જતી સગીરાને ધમકાવી સોશિયલ મીડિયા પર દોસ્તીનું દબાણ કર્યું
પોલીસ ફરિયાદમાં જણાવાયા અનુસાર, પીડિત કિશોરી મંદિરે દર્શન કરવા એકલી જતી હતી ત્યારે આરોપી શાહિદ બાફણે બાઇક પર આવીને તેને ડરાવી-ધમકાવીને તેનો મોબાઈલ નંબર મેળવી લીધો હતો. ત્યારબાદ તે સોશિયલ મીડિયા મારફતે તેની સાથે બળજબરીથી ફ્રેન્ડશીપ રાખવા સતત દબાણ કરતો હતો.
🏚️ ખંડેરમાં લઈ જઈ ગળા પર છરી રાખી આચર્યું દુષ્કર્મ
એક દિવસ મંદિરેથી પરત જતી કિશોરીનું મોટર સાયકલ પર અપહરણ કરીને તેને એક ખંડેર જેવા મકાનમાં લઈ ગયો હતો. ત્યાં તેણે સગીરા સાથે દુષ્કર્મ આચર્યું હતું અને તેના ગળા પર છરી રાખીને આ અંગે કોઈને પણ કશી જ ફરિયાદ ના કરવા માટે જાનથી મારી નાખવાની ધમકી આપી હતી. ત્યારબાદ આરોપીએ વધુ એકવાર આ જ રીતે કિશોરી સાથે બળપૂર્વક કુકર્મ આચર્યું હતું.
⚖️ અદાલતમાં મજબૂત પુરાવા અને ફટકારેલી સજાની વિગત
આ ચકચારી કેસમાં સકારી પક્ષે રજૂ થયેલાં ૩૦ દસ્તાવેજી આધાર પુરાવા અને ૧૧ મહત્વના સાક્ષીઓને તપાસવામાં આવ્યા હતા. તમામ પુરાવાઓને ધ્યાને રાખીને વિશેષ પોક્સો કૉર્ટના ખાસ જજ શ્રી જે.એ. ઠક્કરે આરોપી શાહિદ બાફણને કસૂરવાર ઠેરવી નીચે મુજબની સજા ફટકારી છે:
| કલમ (એક્ટ) | ફટકારેલી સજા | દંડની રકમ |
| પોક્સો એક્ટ કલમ-૬ | અંતિમ શ્વાસ સુધી સખત આજીવન કેદ | રૂ. ૫૦,૦૦૦/- |
| BNS કલમ ૧૩૭ (૨) | ૫ વર્ષની સખત કેદ | રૂ. ૫,૦૦૦/- |
| BNS કલમ ૩૫૧ (૩) | ૧ વર્ષની સખત કેદ | રૂ. ૫,૦૦૦/- |
સગીરાઓ પર નજર બગાડતા અને પોક્સો હેઠળ ગુનો આચરતા તત્વો માટે ભુજ કોર્ટનો આ સ્પીડી ટ્રાયલ ચુકાદો એક મોટો લાલબત્તી સમાન દાખલો સાબિત થશે.
વધુ વાંચો:
કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:
Join Kutch Bulletin on WhatsApp
0 ટિપ્પણીઓ