Kutch Bulletin: ભુજ, કચ્છ: કચ્છના માધાપરમાં ગત ડિસેમ્બર માસમાં થયેલા એક વૃદ્ધના આપઘાતનો મામલે મોટો ખુલાસો થયો છે. માધાપરના ૬૮ વર્ષીય મોહનલાલ ચારણીયાએ આત્મહત્યા કરતા પહેલા પોતાની વેદના પૂર્વ કચ્છ SPને સ્યુસાઈડ નોટ દ્વારા મોકલી હતી. આ કેસમાં હવે પુત્રવધૂ અને સાસરિયા પક્ષના ત્રાસની વિગતો બહાર આવતા પોલીસે ગુનો નોંધી તપાસ તેજ કરી છે.
શું હતી સમગ્ર ઘટના?
માધાપર નવાવાસ ખાતે રહેતા મોહનલાલ જખરાભાઈ ચારણીયાએ ગત ૮ ડિસેમ્બરના રોજ એસિડ પી લેતા તેમનું સારવાર દરમિયાન મોત નીપજ્યું હતું. શરૂઆતમાં આ એક આકસ્મિક મૃત્યુની ઘટના લાગતી હતી, પરંતુ વૃદ્ધે આપઘાત પહેલા પૂર્વ કચ્છ એસપીને એક પત્ર (સ્યુસાઈડ નોટ) લખ્યો હતો. આ પત્રમાં તેમણે પોતાના ઘરની સ્થિતિ અને સાસરિયાઓના માનસિક ત્રાસનો ઉલ્લેખ કર્યો હતો.
પુત્રવધૂ અને સાસરિયાઓ સામે ગંભીર આરોપ
મૃતક મોહનલાલના પુત્ર ધીરજ ભાટીયાના જણાવ્યા અનુસાર, તેના લગ્ન બે વર્ષ પહેલા અમદાવાદના ઠક્કરનગર ખાતે રહેતા ભીમજી ધરડાની પુત્રી દયા સાથે થયા હતા. લગ્ન બાદ પત્ની દયા નાની નાની વાતોમાં ઝઘડો કરતી હતી. આ સાથે તેના સાસુ પ્રેમિલાબેન, સસરા ભીમજી ધરડા અને કાકા સસરા હરેશ ધરડા અવારનવાર ખોટા કેસમાં ફસાવી દેવાની ધમકીઓ આપતા હતા.
પોલીસ કાર્યવાહી
SP દ્વારા આ સ્યુસાઈડ નોટ માધાપર પોલીસ મથકે મોકલવામાં આવતા સત્ય બહાર આવ્યું હતું. પિતાના આપઘાત બાદ પુત્ર ધીરજે પોતાની પત્ની અને સાસરિયા પક્ષના સભ્યો વિરુદ્ધ ફરિયાદ નોંધાવી છે. પોલીસે સ્યુસાઈડ નોટ અને પુત્રની ફરિયાદના આધારે આગળની ધોરણસરની કાર્યવાહી હાથ ધરી છે.
કચ્છમાં આ પ્રકારે કૌટુંબિક કંકાસમાં વૃદ્ધે જીવન ટૂંકાવ્યું હોવાની આ ઘટનાએ પંથકમાં ચકચાર મચાવી છે.
આ પણ વાંચો:
- કચ્છ રેલવે મેગા બ્લોક: ટ્રેનોના શિડ્યુલમાં મોટા ફેરફાર
- ધોળાવીરા: હડપ્પન સંસ્કૃતિ અને ‘રોડ ટુ હેવન’નો પ્રવાસ
- ભુજની જથ્થાબંધ માર્કેટમાં થયેલી ચોરીનો ભેદ ઉકેલાયો
- છારી-ઢંઢ હવે સત્તાવાર રીતે ‘રામસર સાઇટ’ જાહેર
કચ્છના ગ્રાઉન્ડ રિપોર્ટ અને તાજા સમાચાર માટે જોડાઓ : Kutch Bulletin
👉 Join Kutch Bulletin on WhatsApp
0 ટિપ્પણીઓ