મિલ્કશેકમાં ઝેર આપી હેડ કૉન્સ્ટેબલ પિતાને પતાવી દીધા | બેવફા પ્રેમીએ જ ખોલી દીધી પોલ | પિતાના મર્ડર બાદ રહેમરાહે નોકરી મેળવનાર મહિલા પોલીસકર્મી જેલભેગી

National Crime | Mystery Solved

દીકરીએ પ્રેમના વિરોધી પિતાની હત્યા કરી, તેમની જ જગ્યાએ પોલીસમાં નોકરી મેળવી: ૩ વર્ષે પતિએ જ ભાંડો ફોડ્યો

કચ્છ બુલેટિન - ક્રાઈમ ડેસ્ક - ચંદ્રપુર : મહારાષ્ટ્રના ચંદ્રપુર વિસ્તારમાં ત્રણ વર્ષ પહેલાં થયેલા એક પોલીસ હેડ કૉન્સ્ટેબલના મૃત્યુનું ચોંકાવનારું રહસ્ય ખુલ્યું છે. પિતાના મૃત્યુ બાદ રહેમરાહે પોલીસમાં નોકરી મેળવનાર દીકરી આર્યા બલ્લાવાર જ તેના પિતાની હત્યારી નીકળી છે.

🥤 મિલ્કશેકમાં ઝેર આપી હત્યા

એપ્રિલ-૨૦૨૩માં હેડ કૉન્સ્ટેબલ જયંત બલ્લાવારનું ફરજ દરમિયાન ચક્કર આવતા મોત થયું હતું. તપાસમાં બહાર આવ્યું કે, દીકરી આર્યાએ તેના પ્રેમી આશિષ શેડમાકે સાથે મળી પિતાના મિલ્કશેકમાં ઝેર ભેળવ્યું હતું. પિતા તેમના પ્રેમસંબંધના વિરોધી હોવાથી આ ક્રૂર પગલું ભર્યું હતું.

💔 પ્રેમ, નોકરી અને વિશ્વાસઘાત

પિતાના અવસાન બાદ વર્ષ ૨૦૨૫માં આર્યાને રહેમરાહે પોલીસમાં નોકરી મળી હતી. આ દરમિયાન તેણે તેના પ્રેમી આશિષ સાથે લગ્ન પણ કરી લીધા હતા. જોકે, ટ્રેનિંગ બાદ આશિષને શિસ્તભંગ બદલ પોલીસની નોકરીમાંથી બરતરફ કરવામાં આવતા બંને વચ્ચેના સંબંધો બગડ્યા હતા.

આર્યાએ આશિષને અવગણવાનું શરૂ કરતા, ગુસ્સે ભરાયેલા આશિષે પોલીસ સુપરિન્ટેન્ડન્ટ પાસે જઈને હત્યાના પુરાવા અને ઓડિયો રેકોર્ડિંગ્સ રજૂ કર્યા હતા. આ પુરાવાઓના આધારે પોલીસે તપાસ કરતા આર્યાએ ગુનો કબૂલી લીધો હતો.

⚖️ ૪ આરોપીઓની ધરપકડ

પોલીસે આ કેસમાં આર્યા, તેના પતિ આશિષ, ઝેર મેળવવામાં મદદ કરનાર ચૈતન્ય અને અન્ય એક સગીરની ધરપકડ કરી છે. આર્યા વિરુદ્ધ આઈપીસીની કલમ ૩૦૨, ૧૨૦, ૨૦૧ અને ૩૪ હેઠળ ગુનો નોંધી તેને જ્યૂડિશિયલ કસ્ટડીમાં મોકલી દેવામાં આવી છે.

વધુ વાંચો:

• ▶ કચ્છની પંચાયતોમાં રોટેશન જાહેર: જાણો તમારા તાલુકાના નવા પ્રમુખ કોણ?
• ▶ કચ્છ પોલીસનો સપાટો: પડાણા અને ભુજમાં લાખોનો દારૂ જપ્ત

ક્રાઈમની આવી ચોંકાવનારી ખબરો મેળવવા માટે:

Follow Kutch Bulletin on WhatsApp