Kutch Bulletin Desk | Kutch Tourism Development Committee Masterplan
Major decision for Kutch's tourism sector: Proposals for projects worth ₹10 crore approved at the very first meeting of the newly formed ‘District Tourism Development Committee’.
ઐતિહાસિક ઝારા ડુંગર, થાન જાગીર તેમજ ધીણોધર ડુંગરના સંયુક્ત વિકાસ અને બ્યુટિફિકેશન માટે ₹૧૦ કરોડની દરખાસ્તને બહાલી.
વર્લ્ડ હેરિટેજ સાઇટ ધોળાવીરામાં પ્રવાસીઓ માટે નવા પેટ્રોલ પંપ, ATM, રસ્તાઓ અને મોબાઈલ નેટવર્કની સુવિધા ઊભી કરાશે.
માંડવી બીચનો આધુનિક વિકાસ અને ઐતિહાસિક યક્ષ તથા રવેચી મેળામાં પ્રવાસીઓ માટે પાયાની સગવડો ઊભી કરવાનું આયોજન.
Kutch Bulletin - ભુજ : કચ્છ જિલ્લાના પ્રવાસન ક્ષેત્રને વૈશ્વિક સ્તરે નવી ઊંચાઈઓ પર લઈ જવા માટે અગાઉ કાર્યરત ‘જિલ્લા પ્રવાસન સમિતિ’ નું માળખું વધુ વિસ્તૃત અને વિકસાવીને હવે ‘જિલ્લા પ્રવાસન વિકાસ સમિતિ’ નું સત્તાવાર નિર્માણ કરવામાં આવ્યું છે. જિલ્લા કલેક્ટરના અધ્યક્ષ સ્થાને રચાયેલી આ નવરચિત હાઇપાવર સમિતિની પ્રથમ બેઠકમાં જ કચ્છના ઐતિહાસિક અને કુદરતી પ્રવાસન સ્થળોના સર્વાંગી વિકાસ અર્થે રૂપિયા ૧૦ કરોડના અંદાજિત કામોની મસમોટી દરખાસ્તને બહાલી આપી દેવામાં આવી છે.
ત્રણ મુખ્ય ડુંગરોના સંયુક્ત વિકાસ માટે ₹૧૦ કરોડની દરખાસ્ત
આ સમિતિ દ્વારા લેવાયેલા પ્રથમ અને સૌથી પ્રમુખ નિર્ણય અંતર્ગત પશ્ચિમ કચ્છ અને વાગડના ઐતિહાસિક ઝારા ડુંગર, થાન જાગીર તેમજ આધ્યાત્મિક મહત્વ ધરાવતા ધીણોધર ડુંગરના સંયુક્ત વિકાસ માટે રૂપિયા ૧૦ કરોડની દરખાસ્તને આ બેઠકમાં સર્વાનુમતે બહાલી આપવામાં આવી છે. આ દરખાસ્ત હવે આખરી મંજૂરી અને ફંડ એલોકેશન અર્થે રાજ્ય સરકારને ગાંધીનગર મોકલી આપવામાં આવશે. રાજ્ય સરકાર દ્વારા આ દરખાસ્તની વિગતવાર સમીક્ષા કરીને તેમાં જરૂરી વધારા-ઘટાડા સાથે સત્તાવાર મંજૂરી અપાશે.
કલેકટર અનીલ રાણાવસીયા અને જિલ્લા આયોજન અધિકારી જીતેન્દ્ર રાવલે સંયુક્ત માહિતી આપતા જણાવ્યું હતું કે, આ ત્રણેય મુખ્ય સ્થળો પર દેશ-વિદેશના પ્રવાસીઓને આકર્ષવા માટે પાયાની પ્રાથમિક સુવિધાઓ, હાઇટેક ટોયલેટ બ્લોક, ટ્રેકિંગ માટે સુરક્ષિત પગથિયાં, પ્રવાસીઓ માટે બેસવાની સુંદર સુવિધા, વિવિધ પ્રવાસન એમિનિટીઝ અને વ્યાપક બ્યુટિફિકેશન (સુશોભન) ના કાર્યો યુદ્ધના ધોરણે હાથ ધરવામાં આવશે.
સમિતિનું સત્તાવાર માળખું અને કાર્યપદ્ધતિ
રાજ્ય સરકાર દ્વારા ગઠિત આ નવીન સમિતિમાં વહીવટી સરળતા અને ઝડપી નિર્ણયો માટે ‘ગવર્નિંગ કાઉન્સિલ’ અને ‘એક્ઝિક્યુટિવ કાઉન્સિલ’ ની વહેંચણી કરાઈ છે. ગવર્નિંગ કાઉન્સિલમાં કલેક્ટર સમિતિના અધ્યક્ષ રહેશે, જ્યારે જિલ્લા વિકાસ અધિકારી (DDO), જિલ્લા પંચાયતના પ્રમુખ, જિલ્લાના તમામ ધારાસભ્યો, સાંસદ અને જિલ્લા આયોજન અધિકારી સભ્યો તરીકે સેવા આપશે.
આ સમિતિનું મુખ્ય કાર્ય જિલ્લામાં આવેલા વિવિધ વણખેડાયેલા (Unexplored) પ્રવાસન સ્થળોની ઓળખ કરવી, તેના પ્રમોશન અને વિકાસ માટેની કાયમી દરખાસ્તો તૈયાર કરી રાજ્ય સરકારને મોકલવી અને પવિત્ર યાત્રાધામ વિકાસ બોર્ડ હેઠળ આવતા વિવિધ સ્થાનિક મંદિરો દ્વારા મળતી વિકાસ કામોની ભલામણોને ઉચ્ચ સ્તર સુધી પહોંચાડવાનું રહેશે.
પ્રવાસન વિકાસ સમિતિનો પ્રથમ એક્શન પ્લાન
કચ્છના પ્રવાસન સ્થળો અને પરંપરાગત મેળાઓના વિકાસ માટે સમિતિ સમક્ષ કરાયેલી વહીવટી ભલામણો અનુસાર, માંડવીના ધારાસભ્ય અનિરુદ્ધ દવે દ્વારા માંડવી બીચના આધુનિક, સ્વચ્છ અને સુવ્યવસ્થિત વિકાસ માટે મહત્વની ભલામણ રજૂ કરાઈ છે, જેને એક્શન પ્લાનમાં સામેલ કરાઈ છે. આ ઉપરાંત, સાંસ્કૃતિક પ્રવાસનને પ્રોત્સાહન આપવા માટે ઐતિહાસિક યક્ષના મેળા તેમજ રાપર (વાગડ) ના પ્રખ્યાત રવેચીના મેળામાં આવતા લાખો સ્થાનિક શ્રદ્ધાળુઓ અને પ્રવાસીઓની સુવિધા અર્થે પાયાની સગવડો ઊભી કરવા માટે પણ નક્કર આયોજન ઘડાયું છે.
ધોળાવીરામાં નેટવર્ક, એટીએમ, પેટ્રોલ પંપ અને માર્ગ સુધારણા થશે
યુનેસ્કો (UNESCO) ની વર્લ્ડ હેરિટેજ સાઇટ અને પ્રવાસીઓના મુખ્ય આકર્ષણ કેન્દ્ર એવા ધોળાવીરામાં માળખાકીય સુવિધાઓનો ધરખમ વિકાસ કરાશે. બેઠકમાં લેવાયેલા ક્રાંતિકારી નિર્ણયો અનુસાર, ધોળાવીરા અને તેની આસપાસના રણ સરહદી વિસ્તારોમાં સતાવતી નબળા મોબાઈલ નેટવર્કની સમસ્યાને કાયમી ધોરણે દૂર કરવા માટે નવા ટેલિકોમ ટાવર્સ ઊભા કરાશે. આ ઉપરાંત, ત્યાં આવતા પ્રવાસીઓ અને સ્થાનિક રહેવાસીઓની સગવડ માટે નવા એટીએમ (ATM) અને આધુનિક પેટ્રોલ પંપ શરૂ કરવાની મંજૂરી અપાઈ છે, તેમજ ધોળાવીરાને જોડતા માર્ગોની સુધારણા, વાઇડનિંગ અને બ્યુટિફિકેશનનું કામ હાથ ધરાશે.
#KutchTourism #Dholavira #KutchDevelopment #MandviBeach #Dhynodhar #KutchBulletin #Kutch
વધુ વાંચો:
કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:
Join Kutch Bulletin on WhatsApp
0 ટિપ્પણીઓ