Kutch Bulletin: કચ્છ જિલ્લા ભાજપ દ્વારા આજે ભુજ સ્થિત જિલ્લા ભાજપ કાર્યાલય 'કચ્છ કમલમ્' ખાતે નવનિયુક્ત હોદ્દેદારોના સન્માન અને અભિવાદન માટે એક ભવ્ય સમારોહનું આયોજન કરવામાં આવ્યું હતું. Kutch Latest News મુજબ, આ કાર્યક્રમ કચ્છ જિલ્લા ભાજપના અધ્યક્ષ દેવજીભાઈ વરચંદના અધ્યક્ષસ્થાને યોજાયો હતો, જેમાં મોટી સંખ્યામાં કાર્યકરો અને નેતાઓની પ્રેરક ઉપસ્થિતિ રહી હતી.
શિસ્તબદ્ધ કાર્યકર્તાઓ ભાજપની શક્તિ: દેવજીભાઈ વરચંદ
જિલ્લા અધ્યક્ષ દેવજીભાઈ વરચંદે સંબોધન કરતા જણાવ્યું હતું કે, કાર્યકરોની મહેનત અને શિસ્તને કારણે જ આજે ભાજપ કચ્છમાં અજેય ગઢ બની રહ્યો છે. તેમણે ખાતરી આપી હતી કે નવી ટીમ વડાપ્રધાન નરેન્દ્રભાઈ મોદીના 'વિકસિત ભારત ૨૦૪૭' ના વિઝનને સાકાર કરવા અને છેવાડાના માનવી સુધી વિકાસ પહોંચાડવા સતત કાર્યરત રહેશે.
દિગ્ગજ નેતાઓની પ્રેરક ઉપસ્થિતિ
આ અભિવાદન સમારોહમાં પ્રદેશ ભાજપના મહામંત્રી અનિરુદ્ધભાઈ દવે અને રાજ્યમંત્રી ત્રિકમભાઈ છાંગાની વિશેષ ઉપસ્થિતિ રહી હતી. કાર્યક્રમ દરમિયાન સાંસદ વિનોદભાઈ ચાવડા, જિલ્લા પંચાયત પ્રમુખ જનકસિંહ જાડેજા, ધારાસભ્યો કેશુભાઈ પટેલ, માલતીબેન મહેશ્વરી, વિરેન્દ્રસિંહ જાડેજા અને પ્રધ્યુમનસિંહ જાડેજાએ નવનિયુક્ત હોદ્દેદારોનું સન્માન કરી શુભેચ્છાઓ પાઠવી હતી.
વિવિધ મોરચાના હોદ્દેદારોનું સન્માન
સમારોહમાં યુવા મોરચા, મહિલા મોરચા, કિસાન મોરચા, બક્ષીપંચ મોરચા, અનુસૂચિત જાતિ મોરચા અને લઘુમતી મોરચાના નવનિયુક્ત પ્રમુખ-મહામંત્રીઓ તેમજ જિલ્લા સંગઠનના હોદ્દેદારોનું ઉમળકાભેર સ્વાગત કરવામાં આવ્યું હતું. વરિષ્ઠ નેતાઓએ વિશ્વાસ વ્યક્ત કર્યો હતો કે આગામી સમયમાં કચ્છમાં ભાજપનું સંગઠન વધુ મજબૂત અને ગતિશીલ બનશે.
આ પ્રસંગે પૂર્વ ધારાસભ્ય રમેશભાઈ મહેશ્વરી, અરજણભાઈ રબારી, કેડીસીસીના ચેરમેન દેવરાજભાઈ ગઢવી સહિત જિલ્લાના ખૂણેખૂણેથી આવેલા કાર્યકર્તાઓ મોટી સંખ્યામાં હાજર રહ્યા હતા અને સમગ્ર કાર્યાલય કેસરીયા માહોલથી રંગાઈ ગયું હતું.
વધુ વાંચો:
- મહાશિવરાત્રી ૨૦૨૬: જાણો પૂજા મુહૂર્ત અને કચ્છના પૌરાણિક શિવાલયો
- રાજપાલ યાદવની મદદે આવ્યું બોલિવૂડ: સલમાન-અજય સહિત ૧૪ સેલેબ્સની સહાય
કચ્છના રાજકીય અને સામાજિક તાજા સમાચાર માટે જોડાઓ:
👉 Join Kutch Bulletin on WhatsApp
0 ટિપ્પણીઓ