વહીવટી પારદર્શિતાનું ઉત્તમ ઉદાહરણ | કચ્છમાં જિલ્લા ફેર બદલી પામેલા ૧૪૫ શિક્ષકોને એક જ દિવસમાં છૂટા કરાયા

Kutch Bulletin Desk | Bhuj Kutch Primary Education Board District Transfer News Updates

145 teachers transferred between districts relieved in a single day: An excellent example of administrative transparency.

ડીપીઈઓ સંજય પરમારની વિશિષ્ટ પહેલથી સેવાપોથી, એલપીસી અને ઓનલાઈન ટ્રાન્સફરની કામગીરી સ્થળ પર જ પૂર્ણ.

લાંબી વહીવટી પ્રક્રિયા અને ઓફિસોના ધક્કામાંથી શિક્ષકોને મળી મુક્તિ, રાજ્યભરમાં પ્રથમ વખત હાથ ધરાઈ આવી ત્વરિત કામગીરી.

શિક્ષક સંગઠનો અને રાષ્ટ્રીય શૈક્ષિક મહાસંઘે વહીવટી તંત્રના હકારાત્મક અભિગમ અને નિર્ણયને મુક્ત મને આવકાર્યો.

Kutch Bulletin - ભુજ : જિલ્લા ફેર બદલી પામેલા શિક્ષકો માટે સામાન્ય રીતે બદલી બાદ છૂટા થવાની પ્રક્રિયા ખૂબ જ જટિલ અને વિલંબકારી રહેતી હોય છે. શિક્ષકોને પોતાની મૂળ શાળા, ગ્રુપ શાળા, તાલુકા કચેરી અને ત્યારબાદ જિલ્લા કચેરી સુધી દરખાસ્તો રજૂ કરવી પડતી હોય છે. આ ઉપરાંત સેવાપોથી મેળવવી, લાસ્ટ પે સર્ટિફિકેટ (LPC) અને ઓનલાઈન ટ્રાન્સફર પ્રક્રિયા પૂર્ણ કરવા માટે જે-તે જિલ્લામાં વારંવાર ધક્કા ખાવા પડતા હતા.

શિક્ષકોની આ લાંબા સમયની હાલાકી અને મુશ્કેલીઓને ધ્યાને રાખીને કચ્છ જિલ્લા પ્રાથમિક શિક્ષણાધિકારી (DPEO) સંજય પરમાર દ્વારા એક અત્યંત સરાહનીય અને પારદર્શક નિર્ણય લેવામાં આવ્યો છે.

🏫 ડીપીઈઓ સંજય પરમારની ટીમવર્ક અને વિશિષ્ટ પહેલ

ડીપીઈઓ સંજય પરમારે તમામ તાલુકા પ્રાથમિક શિક્ષણાધિકારીઓને (TPEO) સ્પષ્ટ સૂચનાઓ આપીને સમગ્ર ટીમને એકસાથે કામે લગાડી હતી. જેના પરિણામે તમામ વહીવટી તબક્કાઓને એક જ જગ્યાએ આવરી લઈને એક જ દિવસમાં ૧૪૫ શિક્ષકોની તમામ વહીવટી પ્રક્રિયા સફળતાપૂર્વક અને ઝડપથી પૂર્ણ કરી દેવામાં આવી છે.

✨ રાજ્યભરમાં પ્રથમ વખત હાથ ધરાયું વિશિષ્ટ ઓપરેશન

રાજ્યભરમાં પ્રથમ વખત હાથ ધરાયેલી આ પ્રકારની વિશિષ્ટ અને ત્વરિત કામગીરીને કારણે જિલ્લા ફેર બદલી પામેલા શિક્ષકો હવે કોઈપણ પ્રકારના વહીવટી ઉલઝન કે વિલંબ વગર પોતપોતાના વતન તરફ ઝડપથી પ્રયાણ કરી શકશે. વહીવટી તંત્રની આ પારદર્શક નીતિને લીધે શિક્ષકોનો કિંમતી સમય અને માનસિક શ્રમ બચ્યો છે.

🤝 શિક્ષક સંગઠનોએ ઐતિહાસિક નિર્ણયને બિરદાવ્યો

શિક્ષક સંગઠનના પ્રમુખ નયનસિંહ જાડેજાએ આ ઐતિહાસિક અને નોંધપાત્ર વહીવટી પહેલને બિરદાવતા જણાવ્યું હતું કે, વિલંબકારી અને જટિલ પ્રક્રિયામાંથી શિક્ષકોને મુક્તિ અપાવીને પારદર્શક વહીવટનો સુખદ અનુભવ કરાવવામાં આવ્યો છે.

આ કામગીરી વેળાએ તમામ તાલુકા પ્રાથમિક શિક્ષણાધિકારીઓ, જિલ્લા કચેરીનો સ્ટાફ તેમજ પ્રાથમિક શિક્ષક સંઘ અને રાષ્ટ્રીય શૈક્ષિક મહાસંઘના હોદ્દેદારો ખાસ ઉપસ્થિત રહ્યા હતા. વહીવટી તંત્રના આ હકારાત્મક અભિગમથી સમગ્ર શિક્ષક આલમમાં ભારે ખુશી, ઉત્સાહ અને સંતોષનો માહોલ છવાઈ ગયો છે. 

વધુ વાંચો:

• ▶ કલેક્ટર અનિલ રાણાવસિયા એક્શન મોડમાં: ધોરડો બન્ની ઘાસ ગોડાઉનની જાત મુલાકાત લીધી, ગુણવત્તાની સમીક્ષા
• ▶ ગાંધીધામમાં કાળજું કંપાવતી ઘટના: પ્રેમલગ્ન કરનાર નેપાળી યુવતીને પતિએ ઢોર માર મારી મોતને ઘાટ ઉતારી

કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:

Join Kutch Bulletin on WhatsApp