Kutch Bulletin: ગુજરાતમાં નશાકારક પદાર્થોની હેરાફેરી નેસ્ત-નાબૂદ કરવા માટે ચલાવવામાં આવી રહેલા 'મિશન સેફ સ્ટેશન' અભિયાન હેઠળ રેલવે પોલીસને મોટી સફળતા મળી છે. પુરી-ગાંધીધામ એક્સપ્રેસ ટ્રેનમાંથી ₹10.48 લાખની કિંમતનો 20.795 કિલોગ્રામ ગાંજાનો જથ્થો બિનવારસી હાલતમાં ઝડપી પાડવામાં આવ્યો છે.
બાથરૂમની ઉપર છુપાવ્યો હતો જથ્થો
પશ્ચિમ રેલવે વડોદરાની એસ.ઓ.જી. અને એન.ડી.પી.એસ. ટીમ જ્યારે પેટ્રોલિંગમાં હતી, ત્યારે ટ્રેન બારડોલી સ્ટેશન પસાર કરી સુરત તરફ આવી રહી હતી. તપાસ દરમિયાન કોચ નં. એસ/5 અને એસ/6 ના કોરીડોરમાંથી ત્રણ શંકાસ્પદ બેગ મળી આવી હતી. વધુ તપાસ કરતા એસ/5 કોચના બાથરૂમની ઉપરના પાટિયાના બોલ્ટ ખોલીને છુપાવેલી વધુ ત્રણ હાથથેલીઓ મળી આવી હતી.
પોલીસના ડરથી આરોપી મુદ્દામાલ મૂકી ફરાર
પોલીસની પ્રાથમિક તપાસ મુજબ, કોઈ અજાણ્યો શખ્સ આ જથ્થો પરપ્રાંતમાંથી આર્થિક લાભ માટે લાવી રહ્યો હતો. જોકે, ટ્રેનમાં પોલીસનું સઘન ચેકિંગ જોઈને પકડાઈ જવાની બીકે આરોપી આ લાખોની કિંમતનો ગાંજો બિનવારસી હાલતમાં છોડીને નાસી છૂટ્યો હતો. આ જથ્થાની કુલ બજાર કિંમત ₹10,48,750 થાય છે.
સુરત રેલવે પોલીસમાં ગુનો દાખલ
આ મામલે સુરત રેલવે પોલીસ સ્ટેશનમાં એન.ડી.પી.એસ. એક્ટની વિવિધ કલમો હેઠળ ગુનો નોંધી આરોપીની શોધખોળ શરૂ કરવામાં આવી છે. 'મિશન સેફ સ્ટેશન' હેઠળ રેલવેમાં ગુનાહિત પ્રવૃત્તિઓ ડામવા પોલીસ સતર્ક બની છે.
વધુ વાંચો:
- રાજ્યના પોલીસ વડા ડૉ. કે.એલ.એન. રાવનો કચ્છ પ્રવાસ
- કાંડાગરા હિંસક ઘર્ષણ: પોલીસ વાહન સળગાવાયું
- આજનું રાશિફળ: ૧૯ ફેબ્રુઆરી ૨૦૨૬, જાણો તમારી ડેઈલી ટીપ
કચ્છની ગુનાખોરી અને અન્ય તમામ ખબરો માટે જોડાઓ:
👉 Join Kutch Bulletin on WhatsApp
0 ટિપ્પણીઓ