ગુજરાત પોલીસ ભરતી | LRD શારીરિક કસોટીનું પરિણામ જાહેર: ૨.૬૩ લાખ ઉમેદવારો પાસ, અહીં જુઓ તમારું નામ

Gujarat Police Recruitment 2026

ગુજરાત પોલીસ ભરતી: LRD શારીરિક કસોટીનું પરિણામ જાહેર, 2.63 લાખ ઉમેદવાર પાસ, જુઓ યાદી

કચ્છ બુલેટિન - LRD Physical Test Result-2026 : ગુજરાત પોલીસ ભરતી બોર્ડ દ્વારા લેવાયેલી લોકરક્ષક દળ (LRD) ની શારીરિક ક્ષમતા કસોટીનું મહત્ત્વનું પરિણામ જાહેર કરવામાં આવ્યું છે. આ કસોટીમાં રાજ્યભરમાંથી લાખો યુવાનોએ પોતાનું નસીબ અજમાવ્યું હતું, જેમાંથી મોટી સંખ્યામાં ઉમેદવારો આગામી તબક્કા માટે ક્વોલિફાય થયા છે. તા. 21 જાન્યુઆરી, 2026થી રાજ્યના 15 કેન્દ્રો પર યોજાયેલી શારીરિક કસોટી સફળતાપૂર્વક પૂર્ણ થયા બાદ ઉમેદવારો હવે પોતાનું પરિણામ ઓનલાઇન જોઈ શકે છે. વધુ માહિતી બોર્ડની સત્તાવાર વેબસાઈટ gprb.gujarat.gov.in પરથી મળી રહેશે.

ગુજરાત પોલીસ ભરતી બોર્ડ દ્વારા પોલીસ વિભાગના વર્ગ-3 સંવર્ગ હેઠળ પોલીસ સબ ઈન્સ્પેક્ટર (PSI) અને લોકરક્ષક દળ (LRD) કેડરની કુલ 13,591 જગ્યાઓ માટેની ભરતી પ્રક્રિયા હાથ ધરવામાં આવી હતી. રાજ્યના 15 જેટલા કેન્દ્રો પર 21 જાન્યુઆરી 2026થી શારીરિક કસોટીનું આયોજન કરવામાં આવ્યું હતું. જાહેર થયેલા આ આંકડાઓમાં કોન્સ્ટેબલ અને PSI (Police Sub-Inspector) બંને કેડરના ઉમેદવારોનો સમાવેશ થાય છે. સંયુક્ત રીતે અત્યારે 2,63,344 ઉમેદવારોએ મેદાન માર્યું છે. જેમાં 1,73,112 પુરૂષ ઉમેદવાર, 89,405 મહિલા ઉમેદવાર અને 827 માજી સૈનિક ઉમેદવાર ઉતિર્ણ થયા છે.

પરિણામની યાદી ડાઉનલોડ કરવા અહીં ક્લિક કરો:

• 📥 પુરુષ ઉમેદવારોની યાદી (PDF)
• 📥 મહિલા ઉમેદવારોની યાદી (PDF)
• 📥 માજી સૈનિક ઉમેદવારોની યાદી (PDF)

આ કસોટી દરમિયાન ઉમેદવારોના પ્રદર્શનની સઘન ચકાસણી કરવામાં આવી છે. દોડની કસોટી માટે RFID લેપ ડેટા અને CCTV ફૂટેજ જ્યારે શારીરિક માપણી માટે ઊંચાઈના ડેટા અને ફોટોગ્રાફ્સની ઝીણવટભરી તપાસ બાદ આ પરિણામ તૈયાર કરવામાં આવ્યું છે.

📝 લેખિત પરીક્ષાની તારીખ: 14-06-2026 (રવિવાર)

આ સાથે જ શારીરિક કસોટીમાં ઉત્તીર્ણ થયેલા ઉમેદવારો માટે લેખિત પરીક્ષાની તારીખ પણ જાહેર કરી દેવામાં આવી છે. આગામી 14 જૂન 2026ના રોજ લેખિત પરીક્ષા યોજાશે. ભરતી બોર્ડે સ્પષ્ટ કર્યું છે કે જો કોઈ ઉમેદવાર ગેરલાયક હોવા છતાં ટેકનિકલ કે ક્લેરિકલ ભૂલને કારણે લાયક ઠર્યો હશે, તો તેની પસંદગી કોઈપણ તબક્કે રદ થઈ શકે છે.

🛑 વાંધા રજૂ કરવાની અંતિમ તારીખ

પરિણામ જાહેર થયા બાદ, જો કોઈ ઉમેદવારને પોતાની વિગતો કે ગુણ બાબતે કોઈ વાંધો હોય, તો તેઓ 8 એપ્રિલ 2026ના રોજ સાંજે 5:30 વાગ્યા સુધીમાં પોતાની રજૂઆત કરી શકશે. ઉમેદવારોએ ગાંધીનગર સ્થિત ગુજરાત પોલીસ ભરતી બોર્ડની કચેરીએ રૂબરૂમાં અથવા સ્પીડ પોસ્ટ/કુરિયર મારફતે અરજી મોકલવાની રહેશે.

📌 ઉમેદવારો માટે મહત્ત્વની વિગતો

• લેખિત પરીક્ષાની તારીખ: 14 જૂન 2026 (રવિવાર)
• વાંધા અરજી સ્વીકારવાની છેલ્લી તારીખ: 8 એપ્રિલ 2026
• કેટેગરી: પુરુષ, મહિલા અને માજી સૈનિક ઉમેદવારોના પરિણામ અલગથી જોઈ શકાશે.

વધુ વાંચો:

• ▶ આજનું પંચાંગ અને રાશિફળ: ૨ એપ્રિલ, ૨૦૨૬ હનુમાન જન્મોત્સવ વિશેષ
• ▶ હનુમાન જયંતિ વિશેષ: હનુમાનજી પાસેથી શીખો લીડરશિપના પાઠ

ભરતી પરીક્ષાના તમામ અપડેટ્સ સીધા તમારા મોબાઈલમાં મેળવો:

Follow Kutch Bulletin on WhatsApp