Weather Alert | Kutch News
કચ્છવાસીઓ માટે અકળાવનારા ૭૨ કલાક: જિલ્લામાં ૩ દિવસ ગરમીનું ‘યેલો એલર્ટ’, પારો ૪ ડિગ્રી વધશે
Kutch Bulletin - ભુજ: પશ્ચિમી વિક્ષોભની અસર ઓસરી જતાં કચ્છમાં ફરી એકવાર કાળઝાળ ગરમીનો રાઉન્ડ શરૂ થવાના સંકેતો મળી રહ્યા છે. હવામાન વિભાગના જણાવ્યા અનુસાર, આગામી દિવસોમાં મહત્તમ તાપમાનમાં ૨થી ૪ ડિગ્રીનો વધારો થવાની શક્યતા છે.
ભુજ અને કંડલા રાજ્યના સૌથી ગરમ મથકોની યાદીમાં ચોથા ક્રમે નોંધાયા છે. આગામી ૭૨ કલાક કચ્છવાસીઓ માટે ભારે રહેવાની શક્યતા છે.
Sponsored Content
☀️ રાજ્યના ચોથા સૌથી ગરમ મથકો
ભુજ અને કંડલા (એરપોર્ટ)માં મહત્તમ તાપમાન ૩૫.૬ ડિગ્રી સેલ્સિયસ નોંધાયું હતું. માત્ર દિવસ જ નહીં, પરંતુ રાત્રિના તાપમાનમાં પણ વધારો નોંધાયો છે. લઘુતમ પારો ૨૩થી ૨૫ ડિગ્રીની વચ્ચે સ્થિર થતાં રાત્રિની ગુલાબી ઠંડક ગાયબ થઈ છે અને બફારો વધ્યો છે.
📝 વિદ્યાર્થીઓ માટે આકરી કસોટી
હાલમાં પ્રાથમિક અને માધ્યમિક શાળાઓમાં વાર્ષિક સત્રાંત પરીક્ષાઓ ચાલી રહી છે. ખાસ કરીને બપોરની પાળીમાં પરીક્ષા આપવા જતાં નાનાં ભૂલકાઓ માટે આ આકરો તાપ આફત સમાન સાબિત થઈ રહ્યો છે. વર્ગખંડોમાં અસહ્ય ઉકળાટને કારણે વિદ્યાર્થીઓ ભારે હાલાકી ભોગવી રહ્યા છે.
⚠️ સાવચેતીના પગલાં
હવામાન નિષ્ણાતોએ બપોરના સમયે બિનજરૂરી બહાર ન નીકળવા અને શરીરમાં પાણીનું પ્રમાણ જાળવી રાખવા (હાઈડ્રેશન) માટે તકેદારી રાખવાની સલાહ આપી છે.
વધુ વાંચો:
કચ્છના તમામ મહત્વના સમાચાર સીધા તમારા મોબાઈલમાં મેળવવા:
Join Kutch Bulletin on WhatsApp
0 ટિપ્પણીઓ