Kutch Bulletin Crime Desk | Anjar Cheater Gang Arrested
Anjar’s ‘fraud gang’—which duped people by promising to quadruple their money—has been busted; assets including ₹1.50 lakh in cash have been recovered.
પૂર્વ કચ્છની અંજાર પોલીસે સોશિયલ મીડિયાના માધ્યમથી લોકોને વિશ્વાસમાં લઈ, ગણતરીના દિવસોમાં રૂપિયા ચાર ગણા કરવાની લોભામણી લાલચ આપતી ગેંગનો પર્દાફાશ કર્યો છે.
રાજકોટના યુવકને ફેસબુક પર ‘પ્રતિક પટેલ’ નામે નકલી આઈડી બનાવી જાળમાં ફસાવી ₹૧,૫૦,૦૦૦/- પડાવી લેનારા બે સાતિર આરોપીઓની ધરપકડ કરવામાં આવી છે.
પોલીસે ગુનામાં વપરાયેલી નંબર પ્લેટ વગરની કાળા કાચવાળી સ્વિફ્ટ ગાડી અને છેતરેલી પૂરેપૂરી રોકડ રકમ સહિત કુલ ₹૩,૨૦,૦૦૦ નો મુદ્દામાલ જપ્ત કર્યો છે.Kutch Bulletin - અંજાર ડેસ્ક : પૂર્વ કચ્છની અંજાર પોલીસે "પોલીસ પ્રજાની મિત્ર છે અને સુરક્ષા સાથે સેવાનું ઉત્તરદાયિત્વ નિભાવે છે" એ સૂત્રને સાર્થક કરીને મોટી સફળતા મેળવી છે. સોશિયલ મીડિયા પર ફેક પ્રોફાઈલ બનાવી ભોળા લોકોને રાતોરાત અમીર બનવાની અને 'એકના ચાર ગણા' રૂપિયા કરી આપવાની લાલચ આપી ઠગાઈ આચરતી અંજારની રીઢા ગુનેગારોની ‘ચીટર ગેંગ’ને પોલીસે દબોચી લીધી છે. અંજાર પોલીસે ગણતરીના કલાકોમાં ભેદ ઉકેલીને ફરિયાદીના છેતરાયેલા પૂરેપૂરા રૂપિયા રિકવર કરી લીધા છે.
ફેસબુક પર ‘પ્રતિક પટેલ’ બની રાજકોટના યુવકને જાળમાં ફસાવ્યો
આ ચકચારી ઠગાઈની વિગત એવી છે કે રાજકોટના કૃષ્ણનગર મેન રોડ પર આવેલા સિટી પ્લાઝા એપાર્ટમેન્ટમાં રહેતા ૨૮ વર્ષીય યુવક પાર્થ જયસુખભાઈ કારેલીયાનો આ ચીટર ગેંગે સંપર્ક કર્યો હતો. મુખ્ય આરોપી અલીઅબ્બાસ કાશમશા શેખે ફેસબુક પર ‘પ્રતિક પટેલ’ નામનું સોશિયલ મીડિયા પર નકલી આઈડી બનાવ્યું હતું. આ નકલી ઓળખના આધારે તેણે પાર્થ સાથે વોટ્સએપ પર વાતચીત શરૂ કરી અને તેનો પૂરેપૂરો વિશ્વાસ જીતી લીધો હતો.
₹૧.૫૦ લાખના સામે ₹૬ લાખ આપવાની લાલચ
આરોપીઓએ પાર્થને લલચાવતા કહ્યું હતું કે જો તે ₹૧,૫૦,૦૦૦/- આપશે, તો તેને બદલામાં ₹૬,૦૦,૦૦૦/- (ચાર ગણા) રૂપિયા મળશે. આ મોટી રકમની લોભામણી લાલચમાં આવીને રાજકોટનો યુવક રૂપિયા લઈને અંજાર મુકામે આવી પહોંચ્યો હતો. ત્યાં ચીટર ગેંગના સાગરીતોએ તેની પાસેથી રોકડા ₹૧,૫૦,૦૦૦/- પડાવી લીધા હતા, પરંતુ વાયદા મુજબના ચાર ગણા રૂપિયા આપ્યા વગર જ છેતરપિંડી અને વિશ્વાસઘાત કરી નાસી છૂટ્યા હતા. પોતાની સાથે મસમોટી ઠગાઈ થઈ હોવાનો અહેસાસ થતાં જ પાર્થ કારેલીયાએ તાત્કાલિક અંજાર પોલીસ સ્ટેશનમાં ફરિયાદ નોંધાવી હતી.
કાળા કાચવાળી સ્વિફ્ટ કાર અને ‘હ્યુમન સોર્સ’થી ભેદ ઉકેલાયો
બનાવની ગંભીરતાને ધ્યાને લઈ પૂર્વ કચ્છ ગાંધીધામના એસપી શ્રી સાગર બાગમાર અને અંજાર વિભાગના ડીવાયએસપી શ્રી મુકેશ ચૌધરીની સૂચનાથી અંજાર પોલીસ ઇન્સ્પેક્ટર શ્રી એચ.એ. જાડેજાના માર્ગદર્શન હેઠળ તાત્કાલિક અલગ-અલગ ટીમો બનાવવામાં આવી હતી. પોલીસે પોતાના ખાનગી બાતમીદારો (હ્યુમન સોર્સીસ) સક્રિય કર્યા અને ફરિયાદીએ આપેલા આરોપીઓના શારીરિક વર્ણનના આધારે વોચ ગોઠવી હતી. આખરે સચોટ બાતમીના આધારે ગુનામાં ઉપયોગમાં લેવાયેલી નંબર પ્લેટ વગરની અને કાળા કાચવાળી શંકાસ્પદ સ્વિફ્ટ ગાડી શોધી કાઢીને પોલીસે બે આરોપીઓને દબોચી લીધા હતા.
પકડાયેલા આરોપીઓની વિગત:
૧. અલીઅબ્બાસ કાશમશા શેખ (ઉં.વ. ૨૩) – રહે. શેખ ટીંબો, ગરાસીયા ફળીયુ, અંજાર (જેણે ‘પ્રતિક પટેલ’નું ખોટું નામ ધારણ કર્યું હતું).
૨. મહમદ૨ઝાક ઇબ્રાહીમશા શેખ (ઉં.વ. ૨૧) – રહે. શેખ ટીંબો, હેમલાઈ ફળીયુ, અંજાર, કચ્છ.
હજુ આ બે આરોપીઓ પોલીસ પકડથી દૂર (વોન્ટેડ):
અલીઅકબર શેખ (રહે. મદીનાનગર, અંજાર) – જે ગુના વખતે એક્ટિવા લઈને રેકી કરતો હતો.
ગનીભાઈ શેખ (રહે. કનૈયાબે, તા. ભુજ) – જેણે આ ગેંગને ઠગાઈ કરવા માટે ડમી સીમકાર્ડ પૂરા પાડ્યા હતા.પોલીસે કબ્જે કરેલો મુદ્દામાલ (કુલ કિંમત ₹૩,૨૦,૦૦૦/-):
રોકડા રૂપિયા: ફરિયાદી પાસેથી પડાવેલા રોકડા ₹૧,૫૦,૦૦૦/- (પૂરેપૂરા)
વાહન: ગુનામાં વપરાયેલી સ્વિફ્ટ ગાડી (કિંમત ₹૧,૫૦,૦૦૦/-)
મોબાઈલ: ગુનામાં વપરાયેલા મોબાઈલ ફોન નંગ-૦૨ (કિંમત ₹૨૦,૦૦ footprint)
અન્ય: એક લેધરની બેગઆરોપીઓની મોડસ ઓપરેન્ડી: ‘એકના ચાર ગણા’ કરવાની આદત
પોલીસ તપાસમાં સામે આવ્યું છે કે મુખ્ય આરોપી પોતાના સાગરીતો સાથે મળીને સોશિયલ મીડિયા પર નકલી નામોથી આઈડી બનાવતો હતો. ત્યારબાદ ભોળા લોકોને આર્થિક ફાયદાની લાલચ આપી અંજાર ખાતે બોલાવતા હતા. આ ગેંગ લોકોને વિશ્વાસમાં લઈને નાણાં પડાવી લેવાની રીઢો ગુનાહિત ઈતિહાસ અને ટેવ ધરાવે છે. હાલ પોલીસે પકડાયેલા આરોપીઓ વિરૂદ્ધ BNS કલમ- ૩૧૬(૨), ૩૧૮(૪) અને ૫૪ મુજબ ગુનો નોંધી આગળની કાયદેસરની તપાસ તેજ કરી છે.
આ સફળ કામગીરી સરહદી રેન્જ ભુજના આઈજીપી શ્રી ચિરાગ કોરડીયાની સૂચનાથી અંજાર પીઆઈ શ્રી એચ.એ. જાડેજા, પીએસઆઈ શ્રી સી.એમ. ચૌધરી તથા અંજાર પોલીસ સ્ટાફ દ્વારા કરવામાં આવી છે.
વધુ વાંચો:
કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:
Join Kutch Bulletin on WhatsApp
0 ટિપ્પણીઓ