Kutch Bulletin Desk | Education & Career Updates
'Shodh' Scheme: Monthly assistance of ₹15,000 for Ph.D. students; online application process begins at Kutch University.શિક્ષણ વિભાગ દ્વારા વર્ષ 2026-27 માટે 'SHODH' યોજના અંતર્ગત ઓનલાઈન ફોર્મ ભરવાનો પ્રારંભ.
ફૂલ-ટાઈમ પીએચ.ડી. કરતા સંશોધકોને ૨ વર્ષ સુધી દર મહિને ₹15,000 અને વાર્ષિક ₹20,000 નો આકસ્મિક ખર્ચ મળશે.
કચ્છ યુનિવર્સિટીના રિસર્ચ એન્ડ ડેવલપમેન્ટ વિભાગ દ્વારા વિદ્યાર્થીઓ માટે ઓનલાઈન-ઓફલાઈન હેલ્પલાઈન અને માર્ગદર્શન સેન્ટર શરૂ.
Kutch Bulletin - ભુજ : ગુજરાત રાજ્યના શિક્ષણ વિભાગ દ્વારા રાજ્યની સત્તાવાર અને માન્યતા પ્રાપ્ત યુનિવર્સિટીઓમાં ફૂલ-ટાઈમ (Full-Time) પીએચ.ડી. (Ph.D.) કરતા વિદ્યાર્થીઓને સંશોધન ક્ષેત્રે પ્રોત્સાહિત કરવા માટે અમલમાં મુકાયેલી 'શોધ' (SHODH - Scheme for Developing High Quality Research) યોજનાની વર્ષ 2026-27 માટેની ઓનલાઈન અરજી પ્રક્રિયા વિધિવત રીતે શરૂ થઈ ગઈ છે.
કચ્છ યુનિવર્સિટીના રિસર્ચ એન્ડ ડેવલપમેન્ટ (R&D) વિભાગ દ્વારા છાત્રોને ફોર્મ ભરવામાં કોઈ ટેકનિકલ ભૂલ ન પડે તે માટે ઓનલાઈન અને ઓફલાઈન એમ બંને માધ્યમથી વિશેષ માર્ગદર્શન પૂરું પાડવામાં આવશે. હાલ વર્ષ 2026 ની નવી પીએચ.ડી. બેચના જે વિદ્યાર્થીઓની સપ્ટેમ્બર માસ સુધીમાં નોંધણી પ્રક્રિયા પૂર્ણ થશે, તેઓને પણ આ યોજનાનો લાભ લેવા માટે યોગ્ય સહયોગ આપવામાં આવશે.
🎓 કોને અને કેટલો મળશે 'શોધ' યોજનાનો લાભ?
માસિક સ્ટાઈપેન્ડ: પસંદગી પામેલા સંશોધક વિદ્યાર્થીને મહત્તમ બે વર્ષના સમયગાળા માટે દર મહિને ₹15,000 ની આર્થિક સહાય (સ્ટાઈપેન્ડ) ચૂકવવામાં આવે છે.
આકસ્મિક ખર્ચ (Contingency): સંશોધનને લગતા અન્ય ખર્ચાઓ માટે વાર્ષિક ₹20,000 ની અલગથી ગ્રાન્ટ આપવામાં આવે છે.
પાત્રતાના માપદંડ: 1 જુલાઈ 2018 પછી સત્તાવાર રીતે ફૂલ-ટાઈમ પીએચ.ડી.માં પ્રવેશ મેળવેલો હોવો જોઈએ. આ ઉપરાંત વિદ્યાર્થી અન્ય કોઈ પણ પ્રકારની નોકરી, આવક કે સરકારી શિષ્યવૃત્તિ/ફેલોશિપ મેળવતો ન હોવો જોઈએ.🏛️ KCG ની બેઠકમાં કચ્છ યુનિવર્સિટી દ્વારા મહત્વની રજૂઆત
તાજેતરમાં 1 સપ્ટેમ્બરના રોજ અમદાવાદ સ્થિત KCG (Knowledge Consortium of Gujarat) ખાતે યોજાયેલી રાજ્યસ્તરની સમીક્ષા બેઠકમાં કચ્છ યુનિવર્સિટીના નોડલ ઓફિસર ડૉ. ગૌરવ ચૌહાણે વિદ્યાર્થીઓના હિતમાં કેટલાક મહત્વપૂર્ણ સૂચનો કર્યા હતા. જેમાં શોધ યોજનાનો 2 વર્ષનો સમયગાળો વધારીને વધુ કરવાનો, સ્ટાઈપેન્ડ તેમજ કન્ટીન્જન્સીની રકમમાં વધારો કરવાનો સમાવેશ થાય છે. આ ઉપરાંત, જો કોઈ વિદ્યાર્થીને સંશોધન દરમિયાન વચ્ચેથી કોઈ સારી સરકારી નોકરી કે અન્ય મોટી ફેલોશિપ મળે અને યોજના છોડવી પડે, તો અગાઉ મેળવેલી સહાયની રકમ વ્યાજ સાથે પરત કરવાના કડક નિયમમાંથી મુક્તિ આપવા પણ રજૂઆત કરાઈ હતી.
📅 અરજી માટેની અગત્યની તારીખો અને સંપર્ક
ઓનલાઈન અરજી શરૂ થયા તારીખ: 1 સપ્ટેમ્બર 2026
અરજી કરવાની છેલ્લી તારીખ: 19 ઓક્ટોબર 2026કચ્છ યુનિવર્સિટીના વિદ્યાર્થીઓ વધુ માહિતી કે ટેકનિકલ માર્ગદર્શન માટે નોડલ ઓફિસર ડૉ. ગૌરવ ચૌહાણ (મો. 99256 40656) અથવા 'શોધ' યોજનાની હેલ્પલાઈન (99792 00152) પર સંપર્ક સાધી શકે છે.
વધુ વાંચો:
કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:
Join Kutch Bulletin on WhatsApp
0 ટિપ્પણીઓ