ધોરડો, કચ્છ: Kutch Bulletin ના વિશેષ અહેવાલ મુજબ, કચ્છના સફેદ રણમાં આવેલા ધોરડો ટેન્ટ સિટી ખાતે આજે ‘વિકસિત ભારત ૨૦૪૭’ ના વિઝનને સાકાર કરવા માટે ‘ક્લાઈમેટ-રેઝિલિયન્ટ ડિઝાસ્ટર મેનેજમેન્ટ’ વિષય પર બે દિવસીય રાષ્ટ્રીય કોન્ફરન્સનો ભવ્ય પ્રારંભ થયો છે. Kutch Latest News નેશનલ ડિઝાસ્ટર મેનેજમેન્ટ ઓથોરિટી (NDMA) અને NCCSD દ્વારા સંયુક્ત રીતે આ આયોજન કરવામાં આવ્યું છે.
કૃષિ અને દરિયાકાંઠાની સુરક્ષા પર ભાર
કોન્ફરન્સના પ્રથમ સત્રમાં ખેતી અને દરિયાકાંઠાના વિસ્તારોમાં આજીવિકા સુરક્ષિત કરવા માટે આપત્તિ વ્યવસ્થાપનની તૈયારીઓ પર મંથન કરવામાં આવ્યું હતું. NDMA ના સભ્ય ડૉ. દિનેશકુમાર અસવાલે જણાવ્યું હતું કે, કુદરતી આપદાઓ સામે "ઝીરો કેઝ્યુઆલિટી" ના અભિગમ સાથે નાગરિકોને તાલીમબદ્ધ કરવા અનિવાર્ય છે. તેમણે આપત્તિ સમયે સંસાધનોની ઉપલબ્ધતા અને પૂર્વ તૈયારીઓના મહત્વ પર ભાર મૂક્યો હતો.
કચ્છ: પુનઃનિર્માણનું શ્રેષ્ઠ મોડેલ
NCCSD ના ડૉ. કિરીટ શેલતે જણાવ્યું કે, ૨૦૦૧ ના ભૂકંપ બાદ કચ્છનો વિકાસ એ ડિઝાસ્ટર મેનેજમેન્ટ અને પુનઃનિર્માણનું વૈશ્વિક ઉદાહરણ છે. વડાપ્રધાન નરેન્દ્ર મોદીના વિઝનથી જે વિસ્તારમાં ખેતી શક્ય નહોતી, તે આજે 'ગ્લોબલ ટુરિઝમ હબ' બની સ્થાનિકોને રોજગારી આપી રહ્યો છે. હવે આધુનિક ટેકનોલોજીના ઉપયોગથી ખેતી અને ગ્રામીણ ઈકોનોમીને આપદાઓથી બચાવવા નવી વ્યૂહરચના ઘડવામાં આવશે.
વિકસિત ભારત @૨૦૪૭ નો રોડમેપ
આ બે દિવસીય સંવાદ દરમિયાન વિવિધ ટેકનિકલ સત્રોમાં તજજ્ઞો દ્વારા કૃષિ, ખાદ્ય સુરક્ષા અને દરિયાકાંઠાની આજીવિકા પર ક્લાઈમેટ ચેન્જની અસરો ઘટાડવા ચર્ચા થશે. અહીં તૈયાર કરવામાં આવેલા રણનીતિક વિઝનને રાષ્ટ્રીય અને રાજ્ય સ્તરની આપત્તિ વ્યવસ્થાપન યોજનાઓમાં સામેલ કરવામાં આવશે, જેથી ૨૦૪૭ સુધીમાં ભારત આબોહવા પરિવર્તન સામે સક્ષમ બની શકે.
આ પ્રસંગે NDMA ના ડીરેક્ટર મૃણાલિની શ્રીવાસ્તવ, સરપંચ મિયાં હુશેન તેમજ વિવિધ મંત્રાલયોના ઉચ્ચ અધિકારીઓ અને વૈજ્ઞાનિકો ઉપસ્થિત રહ્યા હતા.
વધુ વાંચો:
- ભારતે રચ્યો ઇતિહાસ: રેકોર્ડ છઠ્ઠી વખત U19 વર્લ્ડ ચેમ્પિયન
- ભચાઉ: કડોલ ગામની મહિલા અને ચાર વર્ષની બાળકી રહસ્યમય રીતે ગુમ
- કચ્છના બન્નીનું રતન 'છારી-ઢંઢ' હવે વૈશ્વિક રામસર સાઇટ
- મુંદરા: નર્મદા કેનાલમાં ડૂબી જવાથી બે યુવાનોના કરુણ મોત
કચ્છ અને દેશ-દુનિયાની મહત્વની અપડેટ્સ માટે જોડાઓ:
👉 Join Kutch Bulletin on WhatsApp
0 ટિપ્પણીઓ