Kutch Bulletin Special | પાલારા જેલના પ્રખ્યાત 'ભજીયા હાઉસ'ના તાળાં ખુલ્યા | લીગલ સેક્રેટરીના હસ્તે પાલારા જેલ કેન્ટીનનું લોકાર્પણ, કેદીઓ પીરસશે ગરમાગરમ ભજીયા

City Update | Bhuj Special

કચ્છના સ્વાદપ્રેમીઓની પ્રતીક્ષાનો અંત: પાલારા જેલના 'ભજીયા હાઉસ'નો આજથી ભવ્ય પ્રારંભ

Kutch Bulletin - Bhuj News : કચ્છના સ્વાદપ્રેમીઓ માટે લાંબા સમયના ઇંતજારનો આજે સુખદ અંત આવ્યો છે. ભુજની ભાગોળે આવેલી પાલારા ખાસ જેલના કેદીઓ દ્વારા સંચાલિત અને સમગ્ર જિલ્લામાં પોતાની આગવી ઓળખ ધરાવતું પ્રખ્યાત 'ભજીયા હાઉસ' આજ સાંજથી ફરી ધમધમતું થઈ ગયું છે.

પ્રતિકાત્મક છબી 

લીગલ સેક્રેટરી શ્રી પ્રજાપતિના હસ્તે સાંજે વિધિવત રિબન કાપી કેન્ટીન ખુલ્લી મુકાઈ; કેદીઓના ઉત્થાન માટે જેલ પ્રશાસનનો સ્તુત્ય નિર્ણય.

Sponsored Content

📍 નવી ટીમ, એ જ જૂનો સ્વાદ

પાલારા ખાસ જેલના અધિક્ષક ડી.ડી. પરમારે જણાવ્યું હતું કે, કેન્ટીન બંધ થયા બાદ ફરી શરૂ કરવી એક પડકાર હતો. પરંતુ જેલ તંત્રએ હકારાત્મક અભિગમ દાખવી નવા વિશ્વાસુ કેદીઓની પસંદગી કરી છે. આ કેન્ટીનમાં :

• શુદ્ધતા અને સ્વાદ: લાકડાના ચૂલા પર બનતી વાનગી સાથે જ ગુણવત્તાસભર આહાર.
• વિશેષતા: પ્રખ્યાત ચટાકેદાર ભજીયા જેનો સ્વાદ માણવા લોકો છેક ભુજથી અહીં આવે છે.
• હેતુ: કેદીઓને આત્મનિર્ભર બનાવી સમાજની મુખ્યધારામાં પાછા લાવવાનો પ્રયાસ.

⚖️ શા માટે બંધ કરવી પડી હતી કેન્ટીન?

વર્ષ ૨૦૧૫માં આ પ્રવૃત્તિ શરૂ થઈ હતી. જોકે, ભૂતકાળમાં અહીં કાર્યરત ૧૬ જેટલા કુશળ અને પાકા કામના કેદીઓને સુપ્રીમ કોર્ટ દ્વારા સજામાં રાહત મળતા તેઓ મુક્ત થયા હતા. વિશ્વાસુ અને તાલીમબદ્ધ કેદીઓની અછત સર્જાતા જેલ વહીવટી તંત્રને કામચલાઉ ધોરણે આ કેન્ટીનને તાળાં મારવાની નોબત આવી હતી.

આજ સાંજથી પ્રારંભ થતાની સાથે જ પાલારા જેલના મુખ્ય માર્ગ પર ફરીથી એ જ જૂની ચહલપહલ જોવા મળી હતી. ભુજવાસીઓમાં પણ આ કેન્ટીન શરૂ થવાને લઈને ભારે ઉત્સાહ જોવા મળી રહ્યો છે.

વધુ વાંચો:

• ▶ રહસ્યમયી દ્વારકા: દરિયાના પેટાળમાં શું મળ્યું? જાણો રિપોર્ટ
• ▶ ભુજમાં મતદાન જાગૃતિ રેલી: કલેક્ટર આનંદ પટેલે કરાવી પ્રસ્થાન

કચ્છના તમામ મહત્વના સમાચાર સીધા તમારા મોબાઈલમાં મેળવવા:

Join Kutch Bulletin on WhatsApp