રાપરના સેલારીનાકાથી યુવાનનું ફિલ્મી ઢબે અપહરણ: પોલીસે જંગલ કોર્ડન કરી ૪ શખ્સોને દબોચ્યા, જાણો શું હતો વિવાદ

Kutch Crime | Breaking Report

સોશિયલ મીડિયા મેસેજની શંકાએ અપહરણ: રાપર પોલીસે જંગલ વિસ્તારમાં મેગા ઓપરેશન પાર પાડી યુવાનને છોડાવ્યો

પ્રતિકાત્મક છબી 

Kutch Bulletin - Crime Desk - રાપર: કચ્છના રાપર ટાઉનમાં ગઈકાલે દિવસે-દહાડે ફિલ્મી દ્રશ્યો સર્જાયા હતા. રાપરના ભરચક ગણાતા સેલારીનાકા વિસ્તારમાંથી એક યુવાનનું ચાર અજાણ્યા ઇસમો દ્વારા બળજબરીપૂર્વક મોટરસાયકલ પર અપહરણ કરવામાં આવતા સમગ્ર પંથકમાં ચકચાર મચી ગઈ હતી. જોકે, રાપર પોલીસે ગણતરીના કલાકોમાં જ ટેકનિકલ સર્વેલન્સ અને હ્યુમન ઇન્ટેલિજન્સની મદદથી જંગલ વિસ્તારમાં ઓપરેશન પાર પાડી અપહરણકર્તાઓના ચુંગાલમાંથી યુવાનને હેમખેમ મુક્ત કરાવ્યો છે.

Sponsored Content

📍 શું હતી સમગ્ર ઘટના?

તા-૨૨/૦૪/૨૦૨૬ ના રોજ સવારે આશરે ૧૧:૩૦ વાગ્યાના અરસામાં રાપરના સેલારીનાકા પાસેથી એક યુવાન પસાર થઈ રહ્યો હતો. આ દરમિયાન બે મોટરસાયકલ પર આવેલા ચાર શખ્સોએ આ યુવાનને આંતરી, બળજબરીપૂર્વક બાઈક પર બેસાડી ડાભુંડા ગામ તરફ ભગાવી ગયા હતા. જાહેરમાં થયેલા આ અપહરણના બનાવને પગલે સ્થાનિકોમાં ફાળ પડી હતી.

🔍 પોલીસનું ‘મેગા સર્ચ ઓપરેશન’ અને સફળતા

બનાવની જાણ થતા જ રાપર પોલીસ સ્ટેશનના પી.આઈ. આર.એલ. ખટાણા હરકતમાં આવ્યા હતા. પૂર્વ કચ્છ ગાંધીધામ પોલીસ અધીક્ષક સાગર બાગમાર અને નાયબ પોલીસ અધીક્ષક સાગર સાંબડાના માર્ગદર્શન હેઠળ અલગ-અલગ ટીમો બનાવવામાં આવી હતી. પોલીસે ટેકનિકલ સોર્સ અને બાતમીદારોની મદદથી તપાસ તેજ કરી હતી.

ચોક્કસ માહીતી મળી હતી કે આરોપીઓ યુવાનને વસાવાંઢ અને ત્રીકમ સાહેબના વીરડા વચ્ચે આવેલા નિર્જન જંગલ વિસ્તારમાં લઈ ગયા છે. પોલીસની ટીમે આખા જંગલ વિસ્તારને ચારે બાજુથી કોર્ડન કરી લીધો હતો. કડક ઘેરાબંધી જોઈને આરોપીઓ ફસાઈ ગયા હતા અને પોલીસે ચારેય આરોપીઓને દબોચી યુવાનને છોડાવી લીધો હતો.

💬 સોશિયલ મીડિયા મેસેજ બન્યા અપહરણનું કારણ

પોલીસની પ્રાથમિક પૂછપરછમાં ચોંકાવનારો ખુલાસો થયો છે. આરોપીઓએ કેમ અપહરણ કર્યું તે અંગે જણાવતા કહ્યું હતું કે, અપહરણ થયેલ યુવાન આરોપીની બહેનને ઇન્સ્ટાગ્રામ (Instagram) અને વોટ્સએપ (WhatsApp) પર મેસેજ કરતો હોવાની તેમને શંકા હતી. આ ખાર રાખીને યુવાનનું અપહરણ કરવામાં આવ્યું હોવાનું બહાર આવ્યું છે.

👤 ઝડપાયેલા આરોપીઓની વિગત:

• દિનેશ હરિ કોલી (ઉ.વ. ૨૨, રહે. વસાવાંઢ ડાભુંડા)
• રામજી કલુ કોલી (ઉ.વ. ૨૯, રહે. રાપર)
• હરેશ કરશન કોલી (ઉ.વ. ૩૧, રહે. ત્રીકમનગર, રાપર)
• પ્રકાશ બાબુભાઈ બોરીચા (ઉ.વ. ૧૯, રહે. ત્રીકમનગર, રાપર)

📦 કબ્જે કરાયેલ મુદ્દામાલ:

• મોટરસાયકલ નંગ-૦૨: કિંમત ₹૮૦,૦૦૦/-
• મોબાઇલ નંગ-૦૩: કિંમત ₹૧૫,૦૦૦/-
• હથિયાર: એક છરી અને એક લોખંડનો પાઇપ

આ સફળ કામગીરીમાં પી.આઈ. આર.એલ. ખટાણા, પી.એસ.આઈ. વી.એ. ઝા, પી.એસ.આઈ. એચ.વી. કાતરીયા તથા રાપર પોલીસ સ્ટાફે મહત્વની ભૂમિકા ભજવી હતી. હાલ પોલીસે આ ચારેય વિરુદ્ધ કાયદેસરની કાર્યવાહી હાથ ધરી છે.

વધુ વાંચો:

• ▶ ભચાઉ ફાયર વિભાગની કામગીરી: એક દિવસમાં ૩ રેસ્ક્યુ કોલ ઉકેલ્યા
• ▶ PM મોદીની સાદગી: બંગાળમાં માણી 'ઝાલમુરી'ની મિજબાની

કચ્છના ક્રાઈમ અને બ્રેકિંગ સમાચાર સૌથી પહેલા મેળવવા માટે જોડાઓ:

Join Kutch Bulletin on WhatsApp