CBSE Class 12 Supplementary Result 2026 | ધોરણ ૧૨ સપ્લીમેન્ટરી પરીક્ષાનું પરિણામ જાહેર | કમ્પાર્ટમેન્ટમાં ૫૩.૦૮% ઉમેદવારો પાસ

 Kutch Bulletin Desk | National Education News Updates

CBSE Class 12 Supplementary Result 2026: Class 12 supplementary exam results declared; 53.08% of candidates passed the compartment exam.

સીબીએસઈ દ્વારા ધોરણ ૧૨ ની પૂરક પરીક્ષા ૨૦૨૬ નું પરિણામ સત્તાવાર પોર્ટલ પર જાહેર કરાયું.

૨.૭૫ લાખથી વધુ વિદ્યાર્થીઓએ આપી હતી પરીક્ષા; કમ્પાર્ટમેન્ટ કેટેગરીમાં ૫૩.૦૮% ઉમેદવારો સફળ.

cbseresults.nic.in અને DigiLocker પરથી વિદ્યાર્થીઓ સ્કોરકાર્ડ ઓનલાઈન ચેક અને ડાઉનલોડ કરી શકશે.

Kutch Bulletin - નવી દિલ્હી : સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ધોરણ ૧૨ ની સપ્લીમેન્ટરી પરીક્ષા ૨૦૨૬ નું પરિણામ સત્તાવાર રીતે જાહેર કરી દેવામાં આવ્યું છે. પરીક્ષામાં ઉપસ્થિત રહેલા લાખો વિદ્યાર્થીઓ હવે બોર્ડની સત્તાવાર વેબસાઈટ તેમજ ડીજીલોકર (DigiLocker) પોર્ટલ પર જઈને પોતાનું સ્કોરકાર્ડ ઓનલાઈન ચેક કરી શકે છે. પરિણામ જાહેર થતાં જ પરિણામની આતુરતાથી રાહ જોઈ રહેલા વિદ્યાર્થીઓ અને વાલીઓનો ઇંતેજાર પૂર્ણ થયો છે.

📊 ૨.૭૫ લાખથી વધુ વિદ્યાર્થીઓએ આપી હતી પરીક્ષા 

CBSE દ્વારા જાહેર કરાયેલા આંકડા મુજબ, આ વર્ષે પૂરક પરીક્ષા માટે કુલ ૨,૯૧,૫૭૬ વિદ્યાર્થીઓએ રજીસ્ટ્રેશન કરાવ્યું હતું, જેમાંથી ૨,૭૫,૨૮૭ વિદ્યાર્થીઓ પરીક્ષામાં બેઠા હતા. આ પરીક્ષા આપનારા ઉમેદવારોમાં ૧,૧૧,૦૫૬ વિદ્યાર્થીઓ માર્ક્સ સુધારવા (ઈમ્પ્રૂવમેન્ટ) માટે અને ૧,૬૪,૨૩૧ વિદ્યાર્થીઓ કમ્પાર્ટમેન્ટ કેટેગરીના હતા. બોર્ડના જણાવ્યા મુજબ, કમ્પાર્ટમેન્ટ શ્રેણીના ૧,૬૪,૨૩૧ વિદ્યાર્થીઓમાંથી ૫૩.૦૮% ઉમેદવારો સફળ રહ્યા છે, જેનાથી તેમને આગળના ઉચ્ચ અભ્યાસમાં પ્રવેશ મેળવવાની તક મળશે.

💻 શાળાઓ અને વિદ્યાર્થીઓ આ રીતે મેળવી શકશે પરિણામ 

રેગ્યુલર વિદ્યાર્થીઓના પરિણામ સંબંધિત શાળાઓના રજિસ્ટર્ડ ઈમેઈલ આઈડી પર મોકલવામાં આવશે અને તેમની ઓરિજિનલ માર્કશીટ શાળા મારફતે જ મળશે. જ્યારે ખાનગી (પ્રાઈવેટ) વિદ્યાર્થીઓને ડીજીલોકર પર ડિજિટલ દસ્તાવેજો મળશે અને પ્રિન્ટેડ માર્કશીટ ટપાલ દ્વારા મોકલાશે.

વિદ્યાર્થીઓ cbse.gov.in, cbseresults.nic.in અથવા results.digilocker.gov.in પર જઈ 'CBSE Class 12 Supplementary Result 2026' લિંક પર ક્લિક કરી, પોતાનો રોલ નંબર, સ્કૂલ નંબર અને જન્મતારીખ દાખલ કરીને સ્કોરકાર્ડ જોઈ અને ડાઉનલોડ કરી શકે છે.

વધુ વાંચો:

• ▶ કચ્છમાં વસ્તી ગણતરી કરનારા ૩૩૨૬ કર્મચારીઓનું ૨.૯૯ કરોડનું વેતન બાકી: આ સપ્તાહના અંત સુધીમાં ચૂકવણું થવાની શક્યતા
• ▶ કચ્છ યુનિવર્સિટીના રસાયણશાસ્ત્ર વિભાગના વડા અને વિજ્ઞાન ફેકલ્ટીના ડીન તરીકે ડૉ. વિજયકુમાર આર. રામની નિયુક્તિ

કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:

Join Kutch Bulletin on WhatsApp