Kutch Bulletin Desk | Kutch Local Administration & Employees News Updates
Wages worth ₹2.99 crore pending for 3,326 census workers in Kutch; payment likely by the end of this week.
૧ જૂનથી ૩૦ જૂન દરમિયાન ૨,૮૭૦ ગણતરીદાર અને ૪૫૬ સુપરવાઈઝરોએ વસ્તી ગણતરીનો પ્રથમ તબક્કો પૂર્ણ કર્યો હતો.
Kutch Bulletin - ભુજ : કચ્છ સહિત સમગ્ર ગુજરાતમાં વસ્તી ગણતરીનો પ્રથમ મહત્વપૂર્ણ તબક્કો તારીખ ૧ જૂનથી ૩૦ જૂન દરમિયાન સફળતાપૂર્વક પૂર્ણ કરવામાં આવ્યો હતો. આ કામગીરી માટે કચ્છ જિલ્લા વહીવટી તંત્ર દ્વારા ૨,૮૭૦ વસ્તી ગણતરીદાર અને ૪૫૬ સુપરવાઈઝર મળી કુલ ૩,૩૨૬ કર્મચારીઓની નિમણૂક કરવામાં આવી હતી. કાળઝાળ ગરમી વચ્ચે પણ કર્મચારીઓએ સમયસર કામગીરી આટોપી લીધી હતી, પરંતુ કામ પૂર્ણ થયાના લાંબા સમય બાદ પણ મહેનતાણું ન મળતા કર્મચારીઓમાં નારાજગી જોવા મળી રહી હતી.
📊 પ્રતિ કર્મચારી ₹૯,૦૦૦ લેખે કુલ ₹૨.૯૯ કરોડનું ચુકવણું બાકી
સરકારના પૂર્વ નિર્ધારિત નિયમો અને માર્ગદર્શિકા મુજબ દરેક ગણતરીદાર અને સુપરવાઈઝરને આ કામગીરી બદલ ₹૯,૦૦૦ નું માનદ વેતન ચૂકવવાનું નક્કી કરવામાં આવ્યું હતું. આ હિસાબે કચ્છના કુલ ૩,૩૨૬ કર્મચારીઓનું પ્રતિ વ્યક્તિ ₹૯,૦૦૦ લેખે કુલ રૂપિયા ૨ કરોડ ૯૯ લાખ ૩૪,૦૦૦ જેટલી રકમનું ચુકવણું વહીવટી તંત્ર પાસે બાકી નીકળે છે.
💸 ગ્રાન્ટ મંજૂર: આ સપ્તાહના અંત સુધીમાં ખાતામાં રકમ જમા થશે
મહેનતાણું ન મળવા અંગે સંબંધિત વિભાગના અધિકારીઓ પાસેથી મળેલી વિગતો મુજબ, આ કામગીરી માટે જરૂરી ગ્રાન્ટ સત્તાવાર રીતે ફાળવાઈ ગઈ છે અને તંત્રને મળી ચૂકી છે. વહીવટી તંત્ર દ્વારા મળેલા સંકેતો અનુસાર, ચુકવણી માટેની જરૂરી પ્રક્રિયા પૂર્ણ કરી સંભવિત આ સપ્તાહના અંત સુધીમાં તમામ કર્મચારીઓના બેંક ખાતામાં નાણાં જમા કરી દેવામાં આવશે.
વધુ વાંચો:
કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:
Join Kutch Bulletin on WhatsApp
0 ટિપ્પણીઓ