ભચાઉ, કચ્છ: Kutch Bulletin ના અહેવાલ મુજબ, ભચાઉ નેશનલ હાઈવે પર આજે વહેલી સવારે આગની એક મોટી દુર્ઘટના સામે આવી છે. Kutch Latest News હાઈવે પર આવેલ એક ભંગારના વાડામાં ભીષણ આગ ફાટી નીકળતા અફરાતફરીનો માહોલ સર્જાયો હતો અને બે વાહનો બળીને ખાખ થઈ ગયા હતા.
બે છોટા હાથી વાહનો આગની લપેટમાં
આજે સવારે આશરે પોણા આઠ વાગ્યાના અરસામાં નેશનલ હાઈવે પર વેરાઈ કૃપા હોટેલ પાસે આવેલા એક ભંગારના વાડામાં અચાનક આગ લાગી હતી. આગ એટલી પ્રચંડ હતી કે વાડામાં પાર્ક કરેલા બે છોટા હાથી વાહનો જોતજોતામાં આગની લપેટમાં આવી ગયા હતા. ઘટનાની જાણ ૧૧૨ નંબર મારફતે ભચાઉ ફાયર વિભાગને કરવામાં આવતા ટીમ તુરંત એક્શનમાં આવી હતી.
બે કલાકની જહેમત બાદ આગ કાબૂમાં
ભચાઉ ફાયર ફાઈટરની ટીમે ઘટનાસ્થળે પહોંચી સતત બે કલાક સુધી પાણીનો મારો ચલાવ્યો હતો. ભંગારનો વાડો હોવાથી આગ ઝડપથી ફેલાઈ રહી હતી, પરંતુ ફાયર જવાનોએ ભારે જહેમત બાદ તેને સંપૂર્ણપણે બુઝાવી દીધી હતી. આ કામગીરીમાં પ્રવીણ દાફડા, કુલદીપભાઈ અને શક્તિસિંહ જોડાયા હતા અને વધુ નુકસાન અટકાવ્યું હતું.
કોઈ જાનહાનિ નહીં, માલસામાનને નુકસાન
સદનસીબે આ ભીષણ આગમાં કોઈ જાનહાનિના સમાચાર નથી, પરંતુ વાડામાં રહેલા બંને વાહનો અને અન્ય ભંગારનો માલસામાન બળીને ખાખ થઈ ગયો છે, જેનાથી મોટા આર્થિક નુકસાનનો અંદાજ છે.
વધુ વાંચો:
- કચ્છ રેલવેનો મોટો પ્રોજેક્ટ પૂર્ણ: ગાંધીધામ-આદિપુર વચ્ચે હવે ૪ લાઇન
- રશિયામાં ભારતીય વિદ્યાર્થીઓ પર જીવલેણ હુમલો: ૪ વિદ્યાર્થીઓ ઘાયલ
- આજનું પંચાંગ અને રાશિભવિષ્ય: ૦૮ ફેબ્રુઆરી ૨૦૨૬, રવિવાર
- ગાંધીધામમાં નબીરાઓનો આતંક: બે યુવાનોના કરુણ મોત
કચ્છના તાજા સમાચાર અને ઘટનાઓની પળેપળની વિગત માટે જોડાઓ:
👉 Join Kutch Bulletin on WhatsApp
0 ટિપ્પણીઓ