ગાંધીધામ પોલીસે ઓઇલ ટેન્કરમાંથી ઝડપ્યો ₹૪૮ લાખનો વિદેશી દારૂ | ગુપ્ત ખાના બનાવી કરાતી હતી હેરાફેરી, ₹૮૧.૧૩ લાખનો મુદ્દામાલ જપ્ત

 Kutch Bulletin Desk | Gandhidham Crime & Prohibition News Updates

Gandhidham police seize foreign liquor worth ₹48 lakh from an oil tanker; smuggling was being carried out using a concealed compartment; total contraband and vehicle worth ₹81.13 lakh seized.

ઓઇલ ટેન્કરમાં ખાસ ગુપ્ત ખાનાઓ બનાવી અંદર છુપાવી હતી વિદેશી દારૂની ૪૯૧ પેટીઓ (૨૨,૭૨૮ બોટલો).

મચ્છુનગર રોડ પરથી ટેન્કર ચાલક મોટારામ જાટની ધરપકડ, રાજસ્થાન અને મેઘપર બોરીચીના ૩ શખ્સો વોન્ટેડ.

સરહદી રેન્જ આઈજી અને પૂર્વ કચ્છ એસપીની સૂચનાથી ગાંધીધામ "બી" ડિવિઝન પોલીસની મોટી સફળતા.

Kutch Bulletin - ગાંધીધામ : પૂર્વ કચ્છ ગાંધીધામમાં પ્રોહિબિશનની અસામાજિક પ્રવૃત્તિઓને નેસ્તનાબૂદ કરવા માટે પોલીસ ટીમ સતર્ક બની છે. ગાંધીધામ "બી" ડિવિઝન પોલીસ ટીમે મચ્છુનગર રોડ પરથી પસાર થતા એક ઓઇલ ટેન્કરમાં બનાવેલા વિશેષ ગુપ્ત ખાનાઓમાંથી મોટા પ્રમાણમાં વિદેશી દારૂનો જથ્થો ઝડપી પાડીને મોટો કટ સિઝ કર્યો છે. પોલીસે ઘટનાસ્થળેથી ટેન્કર ચાલકની અટકાયત કરી છે અને દારૂ મંગાવનાર તથા મોકલનાર અન્ય ત્રણ આરોપીઓ સામે ગુનો નોંધી તેમની શોધખોળ હાથ ધરી છે.

🚚 ઓઇલ ટેન્કરના ગુપ્ત ખાનાઓમાં છુપાવી હતી દારૂની પેટીઓ 

બનાવની વિગત મુજબ, સરહદી રેન્જ ભુજના પોલીસ મહાનિરીક્ષક ચિરાગ કોરડીયા અને પૂર્વ કચ્છ પોલીસ અધિક્ષક સાગર બાગમાર દ્વારા પ્રોહિબિશન ગુનાઓ અટકાવવા માટે આપેલી કડક સૂચનાઓ અનુસાર કાર્યવાહી કરવામાં આવી હતી. અંજાર વિભાગના નાયબ પોલીસ અધિક્ષક મુકેશ ચૌધરી અને ગાંધીધામ "બી" ડિવિઝન પોલીસ ઇન્સ્પેક્ટર એસ.વી. ગોજીયાની સૂચનાથી સર્વેલન્સ સ્ટાફ પેટ્રોલીંગમાં હતો. આ દરમિયાન મળેલ ચોક્કસ બાતમીના આધારે મચ્છુનગર રોડ પાસેથી એક શંકાસ્પદ ટેન્કર (નંબર: GJ-33-T-5925) ને રોકીને તપાસ કરવામાં આવી હતી. પ્રથમ દ્રષ્ટિએ સામાન્ય ઓઇલ ટેન્કર લાગતા આ વાહનમાં તપાસ કરતા, ઓઇલ ભરવાના મુખ્ય ભાગમાં અલગથી ગુપ્ત ખાનાઓ બનાવેલા મળી આવ્યા હતા, જેમાંથી ભારતીય બનાવટની વિદેશી દારૂની જથ્થાબંધ પેટીઓ મળી આવી હતી.

💰 ₹૮૧.૧૩ લાખથી વધુનો મુદ્દામાલ સીઝ કરાયો 

પોલીસે ઘટનાસ્થળેથી કબ્જે કરેલા મુદ્દામાલની વિગત નીચે મુજબ છે:

વિદેશી દારૂ (૧૮૦ ml): અલગ-અલગ બ્રાન્ડની ૪૫૬ પેટીઓ (કુલ ૨૧,૮૮૮ બોટલ) – કિંમત ₹૪૮,૧૫,૩૬૦/-

રોયલ સ્ટગ દારૂ (૩૭૫ ml): ૩૫ પેટીઓ (કુલ ૮૪૦ બોટલ) – કિંમત ₹૨,૮૮,૧૨૦/-

ઓઇલ ટેન્કર: (GJ-33-T-5925) – કિંમત ₹૩૦,૦૦,૦૦૦/-

મોબાઇલ ફોન: ૨ નંગ – કિંમત ₹૧૦,૫૦૦/-

કુલ જપ્ત મુદ્દામાલ: ₹૮૧,૧૩,૯૮૦/-

⚖️ એક આરોપી પકડાયો, રાજસ્થાન અને મેઘપર બોરીચીના ૩ વોન્ટેડ 

આ કેસમાં પોલીસે ટેન્કર ચાલક મોટારામ પુનમારામ જાટ (ઉં.વ. ૩૦, રહે. કંકરાલા, તા. સેડવા, જી. બાડમેર - રાજસ્થાન) ની ધરપકડ કરી છે. જ્યારે દારૂનો જથ્થો મોકલનાર પવનસિંગ મહેચ્છા (રહે. બાડમેર, રાજસ્થાન) તથા સ્થાનિક સ્તરે દારૂ મંગાવનાર ચંદન ગુપ્તા (રહે. મેઘપર બોરીચી) અને રાહુલસિંહ જાડેજા (રહે. મેઘપર બોરીચી) સામે પ્રોહિબિશન એક્ટ મુજબ ગુનો નોંધી તેમની શોધખોળ હાથ ધરી છે. આ સફળ કામગીરી પી.આઇ. એસ.વી. ગોજીયા, પી.એસ.આઇ. એલ.એન. વાઢીયા અને સર્વેલન્સ સ્ટાફ દ્વારા સંયુક્ત રીતે કરવામાં આવી હતી.

વધુ વાંચો:

• ▶ ભુજ પોક્સો કોર્ટનો ધાક બેસાડતો ચુકાદો: સગીરાનું અપહરણ કરી છરીની અણીએ દુષ્કર્મ આચરનાર શાહિદ બાફણને અંતિમ શ્વાસ સુધીની આજીવન કેદ
• ▶ ગાંધીધામમાં કાળજું કંપાવતી ઘટના: પ્રેમલગ્ન કરનાર નેપાળી યુવતીને પતિએ ઢોર માર મારી મોતને ઘાટ ઉતારી

કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:

Join Kutch Bulletin on WhatsApp