અંજારના મેઘપર-કુંભારડીમાં પોલીસનો દરોડો | રામેશ્વરનગર રેસીડેન્સીમાંથી મોંઘો હાઇડ્રોપોનિક ગાંજો ઝડપાયો | ૨૧ વર્ષીય રોહિત તુરીની ધરપકડ

 Kutch Bulletin Desk | Anjar Crime & Prohibition News Updates

Police raid in Meghpar-Kumbhardi, Anjar: Youth caught with hybrid cannabis worth ₹3.88 lakh; Jamnagar-based supplier absconding.

રામેશ્વરનગર રેસીડેન્સીમાંથી ૧૧૧.૧ ગ્રામ મોંઘો હાઇડ્રોપોનિક (હાઇબ્રિડ) ગાંજો જપ્ત કરાયો.

મૂળ ભચાઉના આધોઈના ૨૧ વર્ષીય રોહિત હીરજીભાઈ તુરીની ઘટનાસ્થળેથી ધરપકડ.

"NO DRUGS IN EAST-KUTCH CAMPAIGN" હેઠળ અંજાર પીઆઈ એચ.એ. જાડેજા અને ટીમની સફળ કામગીરી.

Kutch Bulletin - અંજાર : પૂર્વ કચ્છમાં ચાલતા "NO DRUGS IN EAST-KUTCH CAMPAIGN" અંતર્ગત અંજાર પોલીસને વધુ એક મોટી સફળતા મળી છે. અંજાર તાલુકાના મેઘપર-કુંભારડી ગામમાં આવેલી રામેશ્વરનગર રેસીડેન્સીમાંથી ગેરકાયદેસર રીતે રાખવામાં આવેલ મોંઘા ભાવનો હાઇડ્રોપોનિક (હાઇબ્રિડ) ગાંજો જપ્ત કરી ૨૧ વર્ષીય યુવકની અટકાયત કરવામાં આવી છે.

📌 ચોક્કસ બાતમીના આધારે પોલીસે વહેલી સવારે પાડ્યો દરોડો 

સરહદી રેન્જ ભુજના પોલીસ મહાનિરીક્ષક ચિરાગ કોરડીયા તથા પૂર્વ કચ્છ ગાંધીધામના પોલીસ અધિક્ષક સાગર બાગમારની માર્ગદર્શિકા મુજબ સમગ્ર જિલ્લામાં માદક પદાર્થોની બદીને નાબૂદ કરવા ખાસ ઝુંબેશ ચલાવવામાં આવી રહી છે. આ ઝુંબેશ હેઠળ અંજાર પોલીસ સ્ટેશનના ઇન્સ્પેક્ટર એચ.એ. જાડેજા અને તેમની ટીમને ખાનગી બાતમીદાર મારફતે ચોક્કસ માહિતી મળી હતી કે, રામેશ્વર રેસીડેન્સી (મકાન નં. ૧૫)માં રહેતો રોહિત હીરજીભાઈ તુરી પોતાના ઘરે ગેરકાયદેસર માદક પદાર્થનો જથ્થો રાખીને બેઠો છે અને સવારના સમયે તેનું વેચાણ કરવા નીકળવાનો છે. પોલીસે સમયસૂચકતા વાપરી તુરંત જ દરોડો પાડી આરોપીની રંગેહાથ ધરપકડ કરી હતી.

📦 જપ્ત કરવામાં આવેલ મુદ્દામાલની વિગત પોલીસે ઘટનાસ્થળેથી નીચે મુજબનો કુલ ₹૩,૯૮,૮૫૦/- નો મુદ્દામાલ કબજે કર્યો છે:

હાઇડ્રોપોનિક (હાઇબ્રિડ ગાંજો): ૧૧૧.૧ ગ્રામ – કિંમત ₹૩,૮૮,૮૫૦/-

ગાંજો ભરવાની પ્લાસ્ટિકની કોથળીઓ: ૦૪ નંગ

મોબાઈલ ફોન: ૦૧ નંગ – કિંમત ₹૧૦,૦૦૦/-

અન્ય દસ્તાવેજો (પાનકાર્ડ વગેરે): ૦૧ નંગ

🔍 જામનગરના સપ્લાયરનું નામ ખૂલ્યું, તપાસ PSI ને સોંપાઈ 

પોલીસ પૂછપરછ દરમિયાન સામે આવ્યું છે કે, પકડાયેલ આરોપી રોહિત તુરી (ઉં.વ. ૨૧) મૂળ ભચાઉ તાલુકાના આધોઈ (જૂના વાસ)નો વતની છે. આ કેસમાં જામનગરના 'લકી' નામના શખ્સનું નામ બહાર આવ્યું છે, જેણે આ ગાંજાનો જથ્થો પૂરો પાડ્યો હતો અને તે હાલ પોલીસ પકડથી દૂર છે. અંજાર પોલીસે NDPS એક્ટની વિવિધ કલમો હેઠળ ગુનો નોંધી આગળની કાયદેસરની તપાસ પોલીસ સબ ઇન્સપેક્ટર વી.એ. ઝા ને સોંપી છે.

વધુ વાંચો:

• ▶ ભુજમાં ₹૨.૧૦ કરોડના હેરોઈન સાથે પકડાયેલા પંજાબના ૫ આરોપીઓને ૧૦ વર્ષની સખ્ત કેદ: NDPS કોર્ટનો ધાક બેસાડતો ચુકાદો
• ▶ ગાંધીધામ પોલીસે ઓઇલ ટેન્કરમાંથી ઝડપ્યો ₹૪૮ લાખનો વિદેશી દારૂ: ગુપ્ત ખાના બનાવી કરાતી હતી હેરાફેરી, ₹૮૧.૧૩ લાખનો મુદ્દામાલ જપ્ત

કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:

Join Kutch Bulletin on WhatsApp