Kutch Bulletin Desk | Tech & Aviation World News Updates
New history in aviation: Successful flight of the world's largest all-electric aircraft 'Aerospace X1'; 27-minute flight cost just ₹480.
અમેરિકી સ્ટાર્ટઅપ 'હાર્ટ એરોસ્પેસ' દ્વારા વિકસાવવામાં આવેલા વિશ્વના સૌથી મોટા ઇલેક્ટ્રિક વિમાનનું સફળ પરીક્ષણ.
ન્યૂ યોર્કના પ્લેટ્સબર્ગ એરપોર્ટ પરથી 27 મિનિટની ઉડાન દરમિયાન 1 મેગાવોટથી વધુ પાવર જનરેટ થયો.
ભવિષ્યમાં 30 મુસાફરોની ક્ષમતા ધરાવતું ES-30 હાઇબ્રિડ વિમાન લોન્ચ કરાશે, જે એરલાઇન ખર્ચમાં 40% નો ઘટાડો કરશે.
Kutch Bulletin - નવી દિલ્હી/ન્યૂ યોર્ક : હવાઈ સફર ક્ષેત્રે ઇંધણ (ફ્યુઅલ) ના જંગી વપરાશના યુગનો હવે અંત આવી રહ્યો છે. અમેરિકી સ્ટાર્ટઅપ કંપની 'હાર્ટ એરોસ્પેસ' (Heart Aerospace) દ્વારા તૈયાર કરાયેલા વિશ્વના સૌથી મોટા ઓલ-ઇલેક્ટ્રિક વિમાન 'Aerospace X1' એ પોતાની પ્રથમ સફળ ટેસ્ટ ફ્લાઇટ પૂર્ણ કરીને એવિએશન ક્ષેત્રે નવો ઇતિહાસ રચ્યો છે. 12 ઓગસ્ટે ન્યૂ યોર્કના પ્લેટ્સબર્ગ ઇન્ટરનેશનલ એરપોર્ટ પરથી આ વિમાને સફળ ઉડાન ભરી હતી.
⚡ 27 મિનિટની ઉડાન અને વીજળીનો ખર્ચ માત્ર $5 (₹480)
પરીક્ષણ દરમિયાન Aerospace X1 વિમાને 1,100 ફીટની ઊંચાઈ પ્રાપ્ત કરી હતી અને 27 મિનિટ સુધી હવામાં રહીને સુરક્ષિત લેન્ડિંગ કર્યું હતું. આ ટેસ્ટ ફ્લાઇટ દરમિયાન વિમાનના ઇલેક્ટ્રિક પાવરટ્રેને 1 મેગાવોટથી વધુ પાવર જનરેટ કર્યો હતો. સૌથી ચોંકાવનારી બાબત એ છે કે આ સમગ્ર 27 મિનિટની ઉડાનમાં ઉપયોગમાં લેવાયેલી વીજળીનો બિલ ખર્ચ માત્ર 5 ડોલર (લગભગ ₹480) આવ્યો હતો.
✈️ વિમાનની વિશાળકાય સાઇઝ અને વિશેષતાઓ
Heart Aerospace X1 એ માત્ર પ્રાઇવેટ પ્લેન નથી પરંતુ એક વિશાળ એરક્રાફ્ટ છે:
વિંગ સ્પેન (પાંખોનો ફેલાવો): 32.3 મીટર (106 ફીટ)
લંબાઈ: 23.2 મીટર (76 ફીટ)
ઊંચાઈ: 7.3 મીટર
ટેક-ઓફ વજન: 11,340 કિલોગ્રામથી વધુ (25,000 પાઉન્ડ)🚀 એરલાઇન્સ ઉદ્યોગ માટે ગેમચેન્જર અને ભવિષ્યનો રોડમેપ
ઓલ-ઇલેક્ટ્રિક પાવરટ્રેન ધરાવતા આ વિમાનથી ઓપરેટિંગ કોસ્ટમાં જંગી ઘટાડો થશે. કંપની હવે 30 મુસાફરોની ક્ષમતા ધરાવતું ES-30 નામનું હાઇબ્રિડ-ઇલેક્ટ્રિક વિમાન તૈયાર કરી રહી છે, જે રિજનલ એરલાઇન્સના ઓપરેટિંગ ખર્ચમાં 40% થી વધુનો ઘટાડો કરશે.
ES-30 વિમાન સંપૂર્ણ ચાર્જ્ડ બેટરી અને ફૂલ ટેન્ક સાથે 804 કિમી (500 માઇલ) સુધીની મુસાફરી કરી શકશે, જ્યારે માત્ર ઇલેક્ટ્રિક મોડ પર 201 કિમી (125 માઇલ) ઉડી શકશે. તેની બેટરી માત્ર 30 મિનિટમાં ફરી ચાર્જ થઈ શકશે. સીઈઓ એન્ડર્સ ફોરસલુન્ડના જણાવ્યા મુજબ, 2028 સુધીમાં હાઇબ્રિડ ફ્લાઇટનું પ્રોડક્શન ટેસ્ટિંગ શરૂ થશે અને 2031 સુધીમાં ટાઇપ સર્ટિફિકેશન મેળવવાનું લક્ષ્ય રખાયું છે.
વધુ વાંચો:
કચ્છની અસ્મિતા અને ગૌરવવંતા સમાચારો સૌથી પહેલા મેળવવા માટે આજે જ જોડાઓ:
Join Kutch Bulletin on WhatsApp
0 ટિપ્પણીઓ